Sigurður er í líknandi meðferð í Brasílíu þar sem hann á tveggja ára son: „Hann mun deyja hér“

„Í des­em­ber vakn­aði hann upp eina nótt­ina og ætl­aði að stíga fram úr en datt strax. Þá kom í ljós að hann var orð­inn lamaður,“ segir Elva Hrönn Guð­bjarts­dóttir í sam­tali við Vísi. Maðurinn sem hún talar um er bróðir hennar, Sigurður Bragason, en er hann nú í líkn­andi með­ferð á sjúkra­húsi í Brasilíu. Sigurður, sem er 48 ára gam­all,  greind­ist með heila­æxli síð­asta sumar en hefur hann verið búsettur í Rio de Janeiro síð­ast­liðin fjögur ár.

„Siggi var búinn að vera á svolitlu flakki þar á undan en svo kynnt­ist hann ást­inni sinni, henni Monu og þau eign­uð­ust lít­inn strák, hann Loka sem er í dag tveggja ára,“ segir systir hans. Sigurður hafði þjáðst af miklum höf­uð­verkjum í tals­verðan tíma og héldu læknar að um mígreni væri að ræða. „Síðan kemur það í ljós í ágúst á sein­asta ári að hann er með tvö æxli í höfð­inu, og í haust kom svo í ljós að það voru þrjú önnur æxli, í lungum og nýrum,“ segir Elva og bætir við: ,,Honum var haldið meira og minna sof­andi um jólin, og það þurfti að setja slöngu frá höfð­inu niður í nýrun vegna þess að hann fékk vatns­höfuð. Ofan á allt þetta greind­ist hann með lunga­bólgu. Hann var síðan sendur heim dag­inn fyrir gaml­árs­dag.“

Skjáskot úr mynd­bandi þar sem sjá má allt á floti á heim­ili fjöl­skyld­unnar

Elva segir að bróðir hennar eigi ekki langt eftir. „Hann mun deyja hér á næstu dögum. En það er of dýrt að flytja hann heim, svo hann verður brenndur.  Mona vill fylgja honum síð­asta spöl­inn, og hún hefur aldrei farið út fyrir Brasilíu.“ Enn eitt áfallið dundi yfir fjöl­skyld­una aðfara­nótt þriðju­dags þegar það flæddi inn í hús fjöl­skyld­unnar í Rio. Þá sá Elva sig knúna til að segja fólki frá stöð­unni og óska um leið eftir aðstoð á Facebook-síðu sinni. Þeir sem vilja hjálpa fjöl­skyld­unni geta nálg­ast frek­ari upp­lýs­ingar á Facebook-síðu Elvu.