Óprúttinn og reyndar drepfyndinn aðili hefur haft aðgang að Twitter-reikningi fyrirtækisins Eldum rétt í 129 daga, að því er virðist án vitneskju eiganda fyrirtækisins.
Hinn óprútni aðili hefur frá því að Hagar keyptu fyrirtækið af fyrrum eigendum í fyrra skrifað hverja bráðfyndnu færsluna á fætur annarri á Twitter-reikningi Eldum rétt en það fyrirtæki sérhæfir sig í að senda matarpakka heim að dyrum sem fólk svo eldar úr. Í nýjustu færslunni sem birtist í gær, hæddist aðilinn að nýju eigendunum: „dagur 128 eftir sölu: þeir vita ekki enn að ég er með twitter passwordið“.
Þegar betur er að gáð má sjá að þessi húmor hefur fylgt Eldum rétt í fjöldi ára á Twitter en ekki er vitað hvort fyrrum markaðsstjóri fyrirtækisins hafi verið ráðinn áfram hjá Högum eða hvort Hagar hafi hreinlega gleymt Twitter-reikningi sínum og að fyrrum starfsmaður Eldum rétt sé enn með lykilorðið og leiki lausum hala, öðrum Twitter-notendum til mikillar gleði.
Hér eru nokkur dæmi um færslur frá „Eldum rétt“:
„Gestakokkur hjá okkur í september er Hrefna Sætran. Ég veit ekki hvað það þýðir en ég held að hún mæti þá heim til ykkar og eldi réttina sem þið pantið. Megið láta mig vita í dm samt“
„Í ljósi metfjölda í smitum munum við bjóða upp á Bragðlausa pakkann™ í næstu viku. Bara mjög holl en alveg ótrúlega bragðvond hráefni. Pöntunarfrestur til miðnættis í kvöld“
„Síðasti séns til að panta Hrekkjavöku pakkann fyrir næstu viku. Í pakkanum er grasker, sætar kartöflur, laukur, blóðugur hnífur, rjómi og sítróna“
„Í dag er alþjóðadagur matarsóunar og af því tilefni ætlum við að henda öllum matarpökkum sem pantaðir eru fyrir næstu viku beint í sjóinn. Pöntunarfrestur er til miðnættis í kvöld fyrir þá sem vilja taka þátt“
„Í dag 1. apríl ætlum við að gefa fyrstu 1000 viðskiptavinum okkar matarpakka að eigin vali Notið afsláttarkóðann „aprilgabb“ á http://eldumrett.is “
Og að lokum má svo sjá eina flotta færslu:
Athugasemdir