Inga ósátt við athugasemdir um Flokk fólksins: „Það virðist algjört aukaatriði hjá „góða fólkinu““

Inga Sæland kvartar undan ósmekk­legum athuga­semdum um Flokk fólks­ins á Facebook eftir að flokk­ur­inn sam­þykkti hið umdeilda útlend­inga­frum­varp á Alþingi.

Illugi Jök­uls­son rit­höf­undur og fjöl­miðla­maður birti í gær færslu á Facebook þar sem hann benti á að allir þing­menn Flokks fólks­ins hafi greitt atkvæði með útlend­inga­frum­varpi dóms­mála­ráð­herra. Færslan vakti mikla athygli og fjöl­margir hneiksl­uð­ust á flokknum í athuga­semdum en þó nokkrir tóku upp hansk­ann fyrir flokk­inn og töl­uðu um „útlend­inga­vand­ann“ án þess þó að fara mjög náið í útskýr­ingar á honum. Lang­flestar athuga­semd­irnar voru mál­efna­legar en inn á milli mátti sjá ósmekk­leg­heit.

Inga Sæland, for­maður flokks­ins er ekki ánægð með athuga­semd­irnar við færslu Illuga og bendir á þær í eigin færslu á Facebook. Talar hún þar um „góða fólkið“ sem vilji „tak­marka­laust flæði fólks til lands­ins“.

„Endilega kíkið á síðu Illuga og sjáið athuga­semd­irnar og smekk­leg­heitin sem þar eru sett fram undir Flokk fólks­ins sem greiddi atkvæði með útlend­inga­frum­varp­inu ásamt 32 öðrum þing­mönnum. s.s 38 þing­menn í 5 þing­flokkum studdu frum­varpið gegn 15 atkvæðum Við­reisnar , Pírata og Sam­fylk­ingar. Flokk­anna sem vilja tak­marka­laust flæði fólks til lands­ins hvort heldur við getum annað því eða ekki. Það virð­ist algjört auka­at­riði hjá „góða fólk­inu“.“