Biggi Veira opnar sig upp á gátt: „Svona er ég bara og það er ekkert að því“

Tón­list­ar­mað­ur­inn frá­bæri, Birgir Þór­ar­ins­son, með­limur GusGus og ávallt kall­aður Biggi Veira, er í við­tali í nýjasta þætti hlað­varps­ins Karl­mennskan; þar ræðir hann til að mynda um klæðnað sinn, en Biggi vekur athygli fyrir að klæða sig á óhefð­bund­inn hátt; er hann oft­ast í kven­manns­fatn­aði.

„Svona er ég mót­aður; svona er ég bara. Og það er ekk­ert að því. Þú getur verið með til­gátur um að það sé hægt að laga mig með laser eða heila­skurð­að­gerð. En ég er svona. Sam­fé­lagið bjó mig til og ég á alveg rétt á því að vera svona; þetta er í lagi,“ segir Biggi í við­tal­inu.

Hann segir þar frá því að hann hafi falið hneigðir sínar til kven­fatn­aðar lengi vel; en þegar hann kynnt­ist kon­unni sinni fyrir 25 árumsíðan kom hann út fyrir henni.

„Fram að því hafði ég hulið þetta frá kærust­unum mínum. Ég var inni í skápnum með þetta. Þetta var ekk­ert í lagi. Í næntís­inu var þetta frum­stætt,“ segir Biggi og segir konu sína aldrei hafa gert neinar athuga­semdir vegna þessa.

„Kannski kemst ég frekar upp með að vera svona af því að ég er tón­list­ar­maður.“