Bæjarstjórnin hafnaði öllum tilboðum í nýja Hamarshöll

Síð­ast­lið­inn mánu­dag ákvað bæj­ar­stjórn Hvera­gerð­is­bæjar á fundi sínum, að han­fna öllum til­boðum er bár­ust í hönnun og bygg­ingu nýrrar Ham­ars­hallar.

Í frétt Sunn­lenska.is kemur fram að fjögur verk­taka­fyr­ir­tæki hafi sent inn til­boð en að þau hafi öll verið yfir kostn­að­ar­á­ætlun sveit­ar­fé­lags­ins sem er tæpur 1,1 millj­arður króna. Stál­grind­ar­hús ehf. átti lægsta til­boðið, 1.229 millj­ónir króna.

Ástæða höfn­un­ar­innar er sögð í sam­þykkt bæj­ar­stjórnar, vera sú að til­boðin séu of há miðað við fjár­hags­á­ætlun bæj­ar­ins og telj­ist þau því óað­gengi­leg í laga­legum skiln­ingi um opin­ber inn­kaup.

Heimild er í þeim lögum að efna til sam­keppn­is­við­ræðna við þá bjóð­endur sem upp­fylltu hæfn­is­kröfur útboðs­ins. Sam­þykkti bæj­ar­stjórn að fela bæj­ar­stjóra að hefja þær við­ræður.

Full­trúar D-list­ans sátu hjá í atkvæða­greiðsl­unni en tilllagan var sam­þykkt með fimm atkvæðum meiri­hlut­ans. D-list­inn létu færa til bókar að heild­ar­kostn­að­ur­inn sem og fram­kvæmd­ar­tím­inn sé áhyggju­efni.

„Þannig er lægsta til­boðið sem kom fram í útboð­inu um 64% yfir upp­haf­legri fjár­hags­á­ætlun. Tilboðin eru það langt umfram getu bæj­ar­fé­lags­ins að lítil sem engin von er til að við­ræður við til­boðs­gjaf­ana leiði til far­sællrar lausnar og muni tefja málið til skaða fyrir bæj­ar­búa,“ segir í bókun full­trúa D-list­ans en þeir benda á að aðrar leiðir séu fjár­hags­lega raun­hæf­ari og fljót­legri, til dæmis gervi­gras­völlur í fullri stærð, við­bygg­ing við núver­andi íþrótta­hús eða loft­borið hús.