RÚV sendi 18 manns til Liverpool: „Ríkisútvarpið er afar stolt af þátttökunni í keppninni í ár“

Alls voru 18 manns á vegum Rík­is­út­varps­ins í Liverpool á ein­hverjum tíma­punkti. Keppnin kost­aði Rík­is­út­varpið um 33 millj­ónir króna.

Svar hefur borist frá Rík­is­út­varp­inu varð­andi fjölda þeirra sem var í sendi­nefnd Eurovision í Liverpool í síð­ustu viku. Var það Rúnar Freyr Gíslason, verk­efna­stjóri sjón­varps sem svar­aði spurn­ingum Mannlífs að beiðni Stefáns Eiríks­sonar, útvarps­stjóra. Svarið er sund­ur­liðað og ítar­legt. Þar kemur meðal ann­ars fram að sextán manns hafi farið til Liverpool á vegum RÚV en tveir til við­bótar hafi á ein­hverjum tíma­punkti verið í Liverpool, annar þeirra var Stefán Eiríks­son útvarps­stjóri en honum var boðið ásamt öðrum útvarps­stjórum í Evrópu. Segir í lok svars­ins að áhug lands­manna á keppn­inni í ár hafi verið gríð­ar­legur en upp­safnað áhorf á úrslita­kvöldið var sam­kvæmt bráða­birgða­tölum um 74 pró­sent. Svarið má lesa í heild sinni hér að neðan.

„Sextán manns fóru á vegum RÚV til Liverpool til að vinna við Eurovision og aðra dag­skrá tengda keppn­inni. 

Kepp­endur fyrir Íslands hönd voru sex tals­ins: Söngkona, fjórar bak­raddir og höf­undur lags­ins.

Starfs­menn RÚV vegna atrið­is­ins sjálfs voru fjórir:  Pródúsent, leik­stjóri, förð­un­ar­fræð­ingur og stílisti.

Sex aðrir starfs­menn RÚV unnu að ýmsum störfum í Liverpool við hluti tengda keppn­inni beint og óbeint, m.a. vinnslu á dag­skrár­efni sem sent var hingað til lands eða um heim allan í gegnum sam­fé­lags­miðla: Far­ar­stjóri, fjöl­miðla­full­trúi, þulur, fram­leiðslu­stjóri, dag­skrár­gerðar- og frétta­maður og töku­maður- og klipp­ari.

Að auki var dag­skrár­stjóri RÚV við­staddur keppn­ina og einnig útvarps­stjóri sem var þarna í boði EBU ásamt öðrum útvarps­stjórum í Evrópu. Það voru því alls 18 manns á vegum RÚV í Liverpool á ein­hverjum tíma­punkti eftir þörfum. Þessi fjöldi er svip­aður og farið hefur á vegum RÚV í Eurovision síð­ustu ár.

Kostn­aður RÚV vegna Eurovision (keppn­is­þát­töku­kostn­aður, mark­aðs­kostn­aður, ferða­lög, laun, dag­pen­ingar og gist­ing) verður á um það bil 33 millj­ónum króna, sem er eins og áætlað var og sam­bæri­legt við s.l. ár með til­liti til verð- og launa­hækk­ana.

Gríð­ar­legur áhugi var meðal lands­manna á keppn­inni í ár en upp­safnað áhorf á úrslita­kvöldið var sam­kvæmt bráða­birgða­tölum um 74%. Upp­safnað áhorf á seinni und­an­úr­slita­kvöldið, þegar íslenska atriðið var flutt, mæld­ist 71%.

Rík­is­út­varpið er afar stolt af þátt­tök­unni í keppn­inni í ár og hefur þegar hafið und­ir­bún­ing að næstu Söngvakeppni þar sem íslenska fram­lagið fyrir Eurovision 2024 verður valið.“