Brá er hann sótti debetkort í póstkassann: „Dagurinn í dag er sá dagur sem ég missti allt traust“

Áhyggju­fullur íbúi Breið­holts varar fólk við Póstinum eftir að umslag sem inni­hélt debet­kort var opnað hjá eldri mann­eskju og upp­lýs­ingar teknar niður.

Maður nokkur birti færslu í morgun á íbúða­grúppu Breið­holts á Facebook. Þar varar hann les­endur við Póstinum en hann segir að ónefndur aðili hafi átt útrunnið debet­kort og því beðið um nýtt. Það barst svo í umslagi en þegar að umslagið var sótt virt­ist sem það hefði verið opnað. Heldur við­kom­andi því fram að starfs­maður hjá Póstinum hafi opnað umslagið og tekið niður upp­lýs­ingar um það „og beðið eftir því að kortið myndi verða virkt við fyrstu færslu með PIN núm­eri.“ Segir hann enn­fremur að við­kom­andi sé yfir sex­tugt og svo virð­ist sem við­kom­andi starfs­maður sé að „elt­ast við eldra fólk sem tekur mögu­lega ekki eftir þessu.“ Ekki eru allir sem lesa færsl­una vissir um að þetta sé verk starfs­manns Póstins.

Færslan er hér að neðan:

„Góðan dag.

Dagurinn í dag er sá dagur sem ég missti allt traust…

Póst­ur­inn

.Kortið hjá ónefndum aðilla rann út í gær og hefur bank­inn sent kortið heim í gegnum póst­inn.Þegar ég fer að sækja kortið í póst­kass­ann sé ég sjón sem eng­inn vill sjá.Starfs­maður hjá póst­inum hefur opnað umslagið og tekið niður allar upp­lýs­ingar á því og beðið eftir því að kortið myndi verða virkt við fyrstu færslu með PIN núm­eri.Ég er að setja þetta hérna því að aðill­inn sem á kortið er eldri en 60 ára. Sem segir mér að þá aðili sem stendur á bak­við þetta sé að elt­ast við eldra fólk sem tekur mögu­lega ekki eftir þessu.

Skoðið vand­lega öll umslög þar sem póst­inum er ekki treystandi.“

Andrea nokkur kemur með dæmisögu þar sem hún opn­aði óvart rangan póst:

„Þarf ekki að hafa verið Póst­ur­inn. Ég hef lent í því að fá kort nágranna­konu minnar sett í póst­kass­ann hjá mér. Við heitum sama for­nafni og föð­ur­nafnið er líkt (ég vissi það ekki þá því hún skrif­aði bara nafnið sitt og Á á póst­kass­ann). Ég átt­aði mig ekki á nafn­arugl­ingnum fyrr en ég var búin að opna bréfið.

Ég var eins og kleina þegar ég fatt­aði þetta en gat engan veg­inn farið með þetta til hennar og útskýrt málið og því fór ég bara með kortið hennar í bank­ann og þeir sendu henni nýtt kort.“

Birna nokkur segir að það sé til fólk sem vakti póst­kassa hjá fólki í von um korta­send­ingu:

„Ég veit um dæmi þar sem aðilar sitja um póst­kassa og bíða eftir kortum til að stela öllum upp­lýs­ingum af og einnig er til fólk sem stelur kort­inu sjálfu.“