Brynjar Níelsson, fyrrverandi Alþingismaður, efast um vísindi og fræði í nýjum pistli.
Sumir virðast halda að Brynjar Níelsson, fyrrverandi Alþingsmaður, finnist fátt skemmtilegra en að reyna trufla og pirra fólk sem vill fá að lifa lífinu í friði. Brynjar gefur þessu fólki byr undir báða vængi með nýjasta pistli sínum þar sem hann endar pistilinn á að segja „Ég get ekki beðið eftir að sjá hvernig rétthugsunarliðið og woke fólkið bregst við þessum pistli.“
Pistilinn sem ber nafnið „Að börn fái að vera börn“ snertir á ýmsum hlutum. Einn af hlutunum sem virðist fara fyrir brjóstið á þingmanninum fyrrverandi eru vísindi en hann segist vera ósáttur með að ekki sé meiri fræðsla um Jesú Krist og gefur í skyn ástæðan sé skortur á vísindalegri sönnun á Guði. Hvaðan Brynjar fær þær upplýsingar er ekki sagt frá í pistlinum. Þá gerir hann lítið úr loftslagsvísindum, kynfræðslu og tilveru transfólks.
„Svo er þessi eilífa kynfræðsla fyrir börn í fyrstu bekkjum grunnskóla, sem gerir ekkert annað en að rugla þau í ríminu. Ruglið nær síðan hæstu hæðum þegar sáð er efasemdum um kyn þeirra. Ef einhver telur sig vera í röngum líkama leiðréttir viðkomandi það síðar,“ segir Brynjar í pistlinum.
Þegar allt þetta sé tekið saman þá sé ekki furða að börnum í dag líði verr en áður og hvetur Brynjar fólk til treysta meira á sig sjálft frekar en vísindi.
Hægt er lesa pistilinn á heimasíðu DV
Athugasemdir