Albert ekki valinn í landsliðið: „Við þurfum að leyfa lögreglunni að rannsaka málið“

Albert Guð­munds­son, leik­maður Genoa, er ekki í nýjum lands­liðs­hópi.

Knatt­spyrnu­mað­ur­inn Albert Guð­munds­son er ekki í nýjum lands­liðs­hópi Íslands í fót­bolta en hóp­ur­inn var kynntur fyrr í dag. Albert var nýverið kærður fyrir kyn­ferð­is­brot og banna reglur KSÍ að hann sé val­inn til að spila fyrir hönd Íslands. Lands­liðs­þjálf­ari Íslands, Age Hareide, svar­aði spurn­ingum blaða­manna um Albert á blaða­manna­fundi fyrr í dag.

„Ég hef talað við leik­mann­inn og útskýrt fyrir honum regl­urnar. Við þurfum að líta í aðrar áttir án Alberts. Hann veit hvernig regl­urnar eru og verður ekki val­inn í þessa tvo leiki,“ sagði Hareide úm málið.

„Albert skilur reglur sam­bands­ins. Ég er von­svik­inn að svona skuli koma upp en þetta er ekki í mínum höndum. Ég tal­aði við leik­menn­ina í kvöld­verð­inum eftir leik­inn á móti Portúgal og hrós­aði þeim fyrir þeirra vinnu. Albert var einn af þeim sem lagði mest á sig fyrir liðið. Ég sagði við hina leik­menn­ina að við þurfum að ein­beita okkur að fót­bolt­anum og við þurfum að leyfa lög­regl­unni að rann­saka málið. Það má ekki hafa áhrif á okkur. Við þurfum að finna nýja leik­menn í stað­inn.“

„Þetta er ekki í mínum höndum, eins og ég segi. Ég er ráð­inn til að vera þjálf­ari og ég ein­beiti mér að fót­bolt­anum. Ég fylgi reglum sam­bands­ins. Ég hringdi í Albert og sagði honum frá stöð­unni. Hann sætti sig við það,“ sagði Hareide.

Fótbolti.net greindi frá.