Ragnar Þór Ingólfsson sakar þá Pálmar Óla Magnússon og Björgvin Jón Bjarnason um að svindla og fremja glæpi gegn samborgurum sínum og samfélagi, í nýrri eldheitri færslu á Facebook.
Formaður VR, Ragnar Þór Ingólfsson skrifaði harðorðan pistil á Facebook í dag þar sem hann segir örsögu af „skipulagðri glæpastarfsemi og spillingu í íslensku samfélagi.“ Ragnar Þór segir söguna vera af „fólki sem svindlar og fremur þaulskipulagða glæpi gegn samborgurum sínum og samfélagi. Saga af mönnum sem hafa komist til æðstu metorða yfir eftirlaunasjóðum almennings í skjóli spillingar og brota sem nær útilokað er að meta að fullu til tjóns. Mönnum sem sitja í valdamiklum stöðum í skjóli Samtaka atvinnulífsins, sem eru ráðandi afl yfir lífeyrissjóðum landsmanna.“
Nafngreinir hann tvo menn í tengslum við þessa spillingu en það eru þeir Björgvin Jón Bjarnason, formaður stjórnar Gildis lífeyrirsjóðs og Pálmar Óla Magnússon, formaður stjórnar Birtu lífeyrissjóðs. „Þeir voru báðir lykilstjórnendur hjá Samskipum þegar brotin voru framin. Annar þeirra er með réttarstöðu sakbornings í einu grófasta samkeppnislagabroti Íslandssögunnar,“ skrifar Ragnar og birtir svo brot úr úr skýrslu Samkeppniseftiritsins um samráð skipafélaganna. „Ég læt lesendum eftir að fylla nöfnin í eyðurnar.“
Hægt er að lesa færsluna og brotin úr skýrslu Samkeppniseftirlitsins hér að neðan:
Athugasemdir