Svandís Svavarsdóttir matvælaráðherra stendur í ströngu þessi misserin. Allt fór í bál og brand innan stjórnarliðsins þegar hún bannaði hvalveiðar örskömmu áður en vertíðin átti að hefjast. Sjálfstæðismenn með Óla Björn Kárason, fráfarandi þingflokksformann, hótuðu að bera upp vantraust á ráðherrann ef hann sæi ekki að sér. Þetta varð til þess að Svandís hopaði og leyfði Kristjáni Loftssyni, aðaleiganda Hvals, að senda skip sín til veiða í september eftir tveggja mánaða stopp.
Annað mál sem stuðar rðáðherrann snýr að upplýsingaöflun vegna eignatengslum í sjávarútvegi. Svandís fól Samkeppnisstofnun að annast málið. Guðmundur Kristjánsson, kenndur við Brim, skilaði ekki umræddum gögnum sem varð til þess að Samkeppnissytofnun sektaði fyrirtækið um sem nemur 3,5 milljónum króna á dag. Guðmundur fór þá í hart. Nú hefur Áfrýjunarnefnd samkeppnismála komist að þeirri niðurstöðu að sektirnar séu ólöglegar og samstarf ráðherrans og viðskiptatengsl standist ekki skoðun þar sem ráðherra gat stýrt rannsókninni í krafti peninga.
Kristján Loftsson hefur boðað að fyrirtæki hans muni að líkindum sækja bætur vegna þess tjóns sem varð vegna veiðibannsins sem nánast eyðilagði vertíðina. Margir telja að þar hafi hann sterka stöðu og málið verði ríkissjóði og ráðherranum dýrkeypt. Það hitnar undir Svandísi sem tekur á sig hvert áfallið af öðru …
Athugasemdir