Háskaakstur á bilaðri rútu: „Hann hefur ekki áhuga á að tala við þig“

„Við fund­uðum með okkar fólki og full­trúum rútu­fyr­ir­tæk­is­ins(SBA). Þetta mál er á ábyrgð þeirra. Við fórum fram á það að rútan yrði taf­ar­laust sett í skoðun. Við skoðun kom í ljós að það var brotin fjöður í bílnum,“ segir Páll Guð­munds­son, fram­kvæmda­stjóri Ferða­fé­lags Íslands í sam­tali við Mannlíf.

Vísir fjall­aði um háska­akstur rútu milli Land­manna­lauga og Reykja­víkur og birti mynd­band sem einn far­þeg­anna tók um borð í rút­unni. Lögregla var kölluð út en eftir skoðun á rút­unni hafi hún látið þar við sitja.

Blaða­maður Mannlífs hafði sam­band við rútu­fyr­ir­tækið(SBA) vegna máls­ins til að leita frek­ari upp­lýs­inga um málið. Ingi­björg Elín Jón­as­dóttir starfs­maður SBA, tjáði blaða­manni að fjöl­miðla­full­trúi væri á svæð­inu en aðspurð hvort hann gæti gefið upp­lýs­ingar um málið svar­aði hún með eft­ir­far­andi hætti: „Já en hann, hérna, hefur ekki áhuga á að tala við þig.“ Blaða­manni var nokkuð brugðið vegna til­svars­ins og bætti þá Ingi­björg við: „Hann er aðeins upp­tek­inn.“

Ferða­fé­lag Íslands bauð far­þegum upp á áfalla­hjálp eftir atvikið og herma heim­ildir Mannlífs að bíl­stjóri rút­unnar hafi verið að aka sína síð­ustu ferð sökum ald­urs. Á fundi Ferða­fé­lags­ins með stjórn­endum FBA í gær þvertók rekstr­ar­stjóri SBa fyrir að mis­tök hefðu átt sér stað og talaið um „múgæs­ing“ sam­kvæmt heim­ildum Mannlífs.