Einelti grasserar enn hjá Vinnueftirlitinu – Starfsmannaveltan með hæsta móti

Ófremd­ar­á­stand virð­ist ríkja hjá Vinnu­eft­ir­lit­inu en ein­elti og kyn­ferð­is­leg áreitni mælist þar mun hærra en með­al­tal ann­arra stofn­anna rík­is­ins.

Könnunin Stofnun árs­ins 2022 á vegum Sameykis leiddi í ljós að

13 pró­sent starfs­manna Vinnu­eft­ir­lits­ins höfðu orðið fyrir ein­elti en 7 pró­sent er með­al­talið fyrir allar með­al­stórar stofn­anir í könn­unni. Alls höfðu 10 pró­sent starfs­manna Vinnu­eft­ir­lits­ins orðið fyrir kyn­ferð­is­legri áreitni en með­al­talið er tvö pró­sent. Þá urðu 11 pró­ent fyrir kyn­bund­inni áreitni en með­a­talið eru þrjú pró­sent. Sex pró­sent starfs­manna Vinnu­eft­ir­lits­ins urðu fyrir ofbeldi en það er sami fjöldi að með­al­tali hjá öðrum með­al­stórum stofn­unum.

Samkvæmt heim­ildum Mannlífs hefur starfs­manna­velta Vinnu­eft­ir­lits­ins verið mikil frá árinu 2019 en Ásmundur Einar Daðason fé­lags- og jafn­rétt­is­mála­ráð­herra skip­aði Hönnu Sigríði Gunn­steind­óttur sem for­stjóra Vinnu­eft­ir­lits­ins í lok árs 2018 en skipun hennar var umdeild á sínum tíma. Stjórn­un­ar­hættir Hönnu hafa einnig þótt umdeildir en árið 2019 sögðu fjöl­miðlar frá því að þeir starfs­menn sem kvört­uðu undan hegðun stjórn­enda gagn­vart starfs­fólki stofn­un­ar­innar, hefðu verið skikk­aðir í tíma hjá sál­fræð­ingi. Samkvæmt heim­ildum Mannlíf eru starfs­mönnum enn bent á sál­fræð­ing ef þeir kvarta undan stjórn­endum. Stjórn­endur geri það þó í minna mæli en áður.

Þá hefur Mannlíf eftir heim­ild­ar­mönnum sínum að reglu­lega séu gerðar kann­anir meðal starfs­manna Vinnu­eft­ir­lits­ins um líðan fólks en að ef fólk seg­ist óánægt eða kvarti yfir ein­hverju, sé það kallað á fund þar sem gert er lítið úr kvörtun þeirra og því boðið að tala við sál­fræð­ing, líkt og segir frá hér að ofan. „Ég veit um starfs­menn sem eru farnir að svara þessum könn­unum jákvætt, þvert á það sem þeim í raun finnst, bara til að losna við áreiti stjórn­enda,“ sagði einn heim­ild­ar­mann­anna.

Starfs­manna­velta stofn­un­ar­innar hefur verið með hærra móti síð­ustu ár en nokkur dæmi eru um að fólk hafi farið í veik­inda­leyfi vegna ein­eltis eða kuln­unar í starfi hjá Vinnu­eft­ir­lit­inu.

Vinnu­eft­ir­litið ber ábyrgð

á mála­flokknum er varðar aðgerðir gegn ein­elti, kyn­ferð­is­legri áreitni, kyn­bundnu áreitni og ofbeldi á vinnu­stöðum sam­kvæmt reglu­gerð nr. 1009/2015.

Mannlíf sendi Vinnu­eft­ir­lit­inu spurn­ingar er varðar ein­elti og nákvæmar tölur yfir starfs­manna­veltu stofn­un­ar­innar í gær­morgun en hefur ekki enn fengið svar.