Örvinglaður Palestínumaður gaf sér á tal við Stefán: „Máttleysi manns er algjört í svona samtali“

Stefán Pálsson lýsti afar erf­iðu sam­tali sem hann átti við Palest­ínu­mann fyrir framan Alþingi.

Stefán Pálsson, sem er ann­ál­aður frið­ar­sinni en hann er allt í öllu hjá Sam­tök­unum Hern­arð­ar­and­stæð­ingar. Skrifaði hann Facebook-færslu um eitt­hvað sem hann kall­aði „Hjarta­sker­andi atvik dags­ins.“ Eig­in­kona hans, Steinunn Þóra Árna­dóttir, er þing­kona Vinstri grænna en þau borð­uðu saman hádeg­is­mat í mat­sal Alþingis. Þegar hann kom út úr bygg­ing­unni vék að sér maður á svip­uðu reki og Stefán en mað­ur­inn hélt að Stefán væri í valda­stöðu, þar sem hann var að koma úr þing­hús­inu. Reyndist þetta vera örvinglaður fjöl­skyldu­faðir frá Palest­ínu sem hér hefur hlotið alþjóð­lega vernd. Fjöl­skylda hans, eig­in­kona og börn, eru hins vegar enn á Gaza, sem í augna­blik­inu er hreint hel­víti á jörðu.

Eftir að hafa hlustað á mann­inn lýsa bjarg­ar­leysi sínu og fjöl­skyld­unnar og stans­lausum ótta við sprengjur Ísra­els­manna, sagði Stefán í færsl­unni að ekk­ert sé hægt annað en að sýna mann­inum samúð. „Mátt­leysi manns er algjört í svona sam­tali, þar sem það eina sem hægt er að gera er að leggja hönd­ina á öxl við­kom­andi og lýsa samúð. Djöfull er þetta allt ömur­legt.“

Færsluna má lesa í heild hér fyrir neðan:

„Hjarta­sker­andi atvik dags­ins átti sér stað í hádeg­inu.

Ég hafði farið niður í þing í hádeg­is­mat þar sem við Steinunn vorum bæði á milli funda. Á leið­inni út var ég stöðv­aður af manni sem veðj­aði greini­lega á að úr því að ég ætti leið út úr þing­hús­inu væri ég mögu­lega í ein­hverri valda­stöðu.Hann reynd­ist þremur árum yngri en ég, en leit út fyrir að vera eldri. Hann sagði sögu sína á bjag­aðri ensku og barð­ist allan tím­ann við tár og ekka. Sjálfur er hann búsettur á Íslandi og hefur fengið alþjóð­lega vernd. Fjöl­skyldan er hins vegar á Gaza og hann sýndi myndir af kon­unni og börn­unum sínum þremur, lýsti því hvernig þau hringdu í hann á hverju kvöldi og lýstu því hvað þau væru hrædd við sprengj­urnar. Hann taldi upp fólkið sitt sem hefur fallið á liðnum dögum og vikum. Þetta var eins örvinglaður fjöl­skyldu­faðir á fimm­tugs­aldri og hægt er að vera – gjör­sam­lega ráð­þrota og spurði í sífellu hvort það væri ekki hægt að finna ein­hverja leið til að koma fólk­inu hans frá Gaza?Mátt­leysi manns er algjört í svona sam­tali, þar sem það eina sem hægt er að gera er að leggja hönd­ina á öxl við­kom­andi og lýsa samúð. Djöfull er þetta allt ömur­legt.“