Áhöfnin á Ottó N Þorlákssyni gefur Grindvíkingum starfsmannasjóð sinn: „Skorum á aðrar áhafnir“

Áhöfnin á Ottó N Þor­láks­syni til­kynnti í gær á Facebook að hún hafi ákveðið að gefa starfs­manna­sjóð sinn til Rauða kross Íslands til styrktar Grind­vík­ingum.

Starfs­manna­sjóður er alls 600.000 krónur en áhöfnin á Ottó N Þor­láks­syni frá Vest­manna­eyjum hefur ákveðið að gefa Rauða kross­inum pen­ing­inn svo styrkja megi Grind­vík­inga í raunum þeirra. Þá skorar áhöfnin á áhöfna á Dala-Rafni til að gera slíkt hið sama og hvetja þá svo til að skora á aðrar áhafnir.

Færsluna má lesa í heild hér:

„Gott kvöld ágætu fylgj­endur.Eins og lands­menn vita, þá hefur mikið gengið á, í og við Grinda­vík, vegna eldsum­brota þar í kring. Rauði kross Íslands hefur sett af stað söfnun fyrir fólkið sem þar býr, við algjöra óvissu. Það er engan vegin hægt að setja sig í spor þeirra er hafa þurft að yfir­gefa heim­ili sín í Grinda­vík.Áhöfnin á Ottó N Þor­láks­syni hefur því ákveðið að leggja til það fé sem er í starfs­manna­sjòði áhafn­ar­innar í söfnun Rauða Krossins. Þetta eru 600.000 krónur sem við afhendum með glöðu geði og skorum á aðrar áhafnir þessa lands að leggja eitt­hvað til í þessa söfnun.Upphæðin skiptir ekki öllu máli, frekar að taka þátt og leggja eitt­hvað til í mál­efnið.Við vitum að félagar okkar hjá Ísfé­lag­inu, strák­arnir á Dala Rafn, hafa styrkt gott mál­efni og því skorum við á þá að leggja eitt­hvað til í þessa söfnun.Við skorum svo á strák­ana á Dala Rafn að skora á aðra áhöfn og svo koll af kolli.Bestu kveðjur frá Áhöfn­inni á King Ottó.“