Í nafnlausri færslu á Facebook segir að kona hafi slasast í hálku á Hólmsheiði við Paradísardal. Þá segir að hún hafi legið í klukkustund á jörðinni, í hið minnsta, uns hjálp barst.
„Björgunarmenn á sexhjóli frá slökkviliðinu virtust ekki hafa göngustígakort þegar þeir spurðust til vegar án þess að vita að akfær vegur liggur í Paradísardal,“ ritar sá nafnlausi og virðist ósáttur við viðbragðstíma björgunaraðila og spyr þess auki hvort ásættanlegt sé að útkallið taki svo langan tíma uns hjálp berst.
Mikill gaddur var í gær þrátt fyrir að sólríkt hafi verið í landshlutanum.
„Við þurftum að nota sexhjól í einu tilfellinu til að ferja sjúkling í sjúkrabíl þar sem ekki var hægt að komast að viðkomandi keyrandi á sjúkrabíl,“ segir í tilkynningu slökkviliðsins á höfuðborgarsvæðinu.
Sexhjól eru staðsett á tveimur starfstöðvum slökkviliðsins og eru þau notuð utan alfaraleiðar til að komast að sjúklingum og við önnur björgunarstörf.
Hundaeigendur skora á borgina
Paradísardalur er vinsæll meðal hundaeiganda rétt ofan við golfvöllinn, í námunda við Hádegismóa. Þar er svæði sem leyfir lausagöngu hunda og sett hafa verið upp þrautabrautir fyrir dýrin og eigendur til þjálfunar.
Töluvert af athugasemdum hafa verið gerðar við færsluna. Hundaeigendur skora á Dýraþjónustu Reykjavíkur að beita sér fyrir að svæðið verði betur merkt.
Hér að neðan má sjá færslu slökkviliðsins í heild:
Athugasemdir