Sólveig Anna boðar verkfall í mars: „Þau láta ekki íslenska yfirstétt segja sér fyrir verkum“

Sólveig Anna Jóns­dóttir boðar ótíma­bundið verk­fall Efl­ing­ar­fólks þann 18. mars.

Formaður Eflingar, Sólveig Anna Jóns­dóttir, skrif­aði Facebook-færslu í morgun þar sem hún skýtur á Samtök atvinnu­lífs­ins, sem hún segir að svari kröfum verka­fólks með „útúr­snún­ingi og rugli.“

„Forystu SA finnst óvið­eig­andi að verka og lág­launa­fólk taki málin í sínar eigin vinnu­hendur og berj­ist fyrir betri kjörum. Við í Eflingu erum ekki á þeirri skoðun. Okkur finnst óvið­eig­andi að samið sé um auknar hækk­anir handa hálauna­hópum Alþýðu­sam­bands­ins á meðan að full­trúum verka­fólks er sýnd óvirð­ing við samn­ings­borðið og kröfum þess fólks sem að heldur sam­fé­lag­inu gang­andi með vinnu­afli sínu ekki svarað með neinu nema útúr­snún­ingi og rugli.“ Þannig hefst færsla Sól­veigar. Og svo boðar hún verk­föll.

„Þess­vegna hefjum við undi­bún­ing verk­falla. Við erum ekki eins og þeir sem láta sér nægja að hóta kannski aðgerðum ein­hvern­tím­ann eftir að aðgerða­hópar hafi mögu­lega kom­ist að ein­hvers­konar nið­ur­stöðu. Við látum verkin tala, nú líkt og ávallt.“

Þá segir Sólveig að stjórn og samn­inga­nefnd Eflingar standi þétt saman og að í gær hafi kjöstjórn félags­ins komið saman og í dag verði verk­falls­at­kvæða­greiðslan aug­lýst. Kveðst hún þess full­viss að verk­falls­boð­unin verði sam­þykkt.

„Á mánu­dag fundar stjórn vinnu­deilu­sjóðs Eflingar til að taka ákvörðun um upp­hæð verk­falls­styrks, og kl. 16 sama dag hefst atkvæða­greiðsla um verk­föll hjá félags­fólki Eflingar sem að starfa við ræst­ingar. Ég er þess full­viss að verk­falls­boð­unin verður sam­þykkt og þá leggja 900 mann­eskjur, að stærstum meiri­hluta konur, niður störf á hádegi þann 18. mars, í ótíma­bundnu verk­falli. Þá fær íslensk yfir­stétt tæki­færi til að horfast í augu við það á hverra vinnu­afli öll verð­mæta­sköpun og þjón­usta höf­uð­borgar lands­ins hvílir.“

Í loka­orðum sínum segir Sólveig að for­ysta Eflingar sé hætt að sam­þykkja að „vinnu­afl­inu sé haldið niðri til að tryggja hags­muni ann­arra hópa,“ og bætir við að þeim kafla hafi lokið árið 2018.

„Ég hef sagt þá áður og segi það á ný: Þeir dagar eru liðnir að for­ysta Eflingar, stærsta verka­lýðs­fé­lags verka­fólk á Íslandi, sam­þykki að vinnu­afl­inu sé haldið niðri til að tryggja hags­muni ann­arra hópa. Þeim kafla í sögu félags­ins lauk árið 2018 og hann verður ekki opn­aður á ný. Það er í raun óskilj­an­legt að fólk skuli ekki vera til­búið til að horfast í augu við þessa aug­ljósu stað­reynd. En þegar sú staða kemur upp bregst Efling hratt og örugg­lega við, í þeirri vissu að félags­fólk Eflingar, ómissandi fólk að öllu leyti, getur og vill berj­ast, sam­einað, til að ná raun­veru­legum árangri.Ég er stolt af félags­fólki Eflingar. Þau eru djörf og þau eru dug­leg, og þau láta ekki íslenska yfir­stétt segja sér fyrir verkum.Áfram Efling, alla leið!“