Steinunni þykir vænt um hvatninguna og birtir upplestur á bréfinu: „Svo sjáum við hvað setur!“

Steinunn Ólína Þor­steins­dóttir seg­ist hafa fengið mikla hvatn­ingu eftir að hafa opin­berað íhugun sína um fram­boð til for­seta Íslands.

Leik- og sjón­varps­konan Steinunn Ólína Þor­steins­dóttir skrif­aði færslu rétt í þessu þar sem hún birti upp­töku af upp­lestri sínum á bréf­inu sem hún skrif­aði til þjóð­ar­innar í fyrra­dag, þar sem hún opin­ber­aði að hún væri alvar­lega að íhuga að bjóða sig fram til emb­ættis for­seta Íslands, fyrir þá sem „leið­ist að lesa langan texta“. Segist hún hafa fengið mikla hvatn­ingu í kjöl­farið sem henni þykir „afskap­lega vænt um“. Steinunn ætlar að nota föstu­dag­inn langa til að minn­ast þeirra sem hún hefur misst og þakka fyrir allt sem hún á.

Hér má lesa færsl­una:

„Ég sagði frá því fyrra­dag að ég væri alvar­lega að íhuga að bjóða mig fram til emb­ættis for­seta Íslands. Ég hef í kjöl­farið fengið mikla hvatn­ingu og það þykir mér afskap­lega vænt um. Mörgum leið­ist að lesa langan texta svo að ég las inn bréfið sem ég skrif­aði til ykkar ef ein­hver vill hlusta eða deila til ann­arra. Föstu­dag­ur­inn langi er runn­inn upp. Ég ætla að nota dag­inn og minn­ast þess sem ég hef misst og þakka fyrir allt það sem ég er svo óum­ræð­an­lega glöð fyrir að eiga og njóta, því það er svo ótal margt. Svo sjáum við hvað setur!“

Hér má svo hlusta á upp­lest­ur­inn: