Sigríður Dögg Auðunsdóttur, formaður Blaðamannafélags Íslands, verður að óbreyttu endurkjörin sem formaðuir félagsins. Enginn hefur boðið sig fram gegn henni. Hún fær þannig endurnýjað umboð þrátt fyrir að vera með á bakinu ásakanir um misferli gagnvart skattinum sem felst í því að hafa vantalið tekjur af stórfelldri útleigu á íbúðarhúsnæði. Sigríður fékk að taka út refsinguna með því að greiða álag. Hún hefur aldrei fengist til að upplýsa um stærðargráðu á skattamáli sínu en svaraði Mannlífi því til að málið væri rógburður á hendur henni, runninn undan rifjum bloggara. Hún staðfesti þó endurálagningu.
Hjálmar Jónsson, fyrrverandi framkvæmdastjóri Blaðamannfélags Íslands, hætti störfum fyrir félagið fremur en að vinna undir stjórn Sigríðar sem hann taldi hafa hegðað sér óforsvaranlega. Hjálmar á að baki flekklausan feril um árabil hjá félaginu. „Ég get ekki sætt mig við það að hennar fjármál og skattamál varpi skugga á Blaðamannafélag Íslands,“ sagði Hjálmar við starfslokin.
Leyndarhyggja formannsins á sér fleiri hliðar. Nýverið var Freyja Steingrímsdóttir ráðin sem nýr framkvæmdastjóri. Sigríður Dögg neitaði að upplýsa hverjir hefðu sótt um starfið. Á næstunni verður kjörin ný stjórn félagsins. Nýir stjórnarmenn, ásamt Freyju, þurfa þá að bera ábyrgð á hinum umdeilda formanni og stýra félaginu í þokunni. Einhverjir eru með óbragð í munni …
Athugasemdir