Inga leggur fram vantrauststillögu á Svandísi: „Ráðherra sem brýtur gegn lögum þarf axla ábyrgð“

Inga Sæland, for­maður Flokks fólks­ins, hefur lagt fram van­traust­s­til­lögu á Svandísi Svav­ars­dóttur, mat­væla­ráð­herra.

Tillagan er lögð fram til að bregð­ast við því sem fram kemur í áliti Umboðs­manns Alþingis um störf Mat­væla­ráð­herra, að því er fram kemur í til­kynn­ingu frá Ingu. Þar segir að ráð­herr­ann hafi farið „út fyrir vald­heim­ildir sínar og braut gegn stjórn­ar­skrár­vörðum rétt­indum fólks og lög­mæt­is­reglu.“

Í til­kynn­ing­unni eru fjórir punktar til­teknir um ástæðu van­traust­s­til­lög­unnar:

• Reglu­gerðin hafði ekki nægi­lega skýra stoð í lögum um hval­veiðar.
• Útgáfa reglu­gerð­ar­innar sam­rýmd­ist ekki kröfum um með­al­hóf og rétt­mætar vænt­ingar.
• Ráðherra braut gegn lög­mæt­is­regu og braut þar með gegn 75. gr. stjórn­ar­skrár­innar sem fjallar um atvinnu­frelsi.
• Með setn­ingu inn­grips­mik­illar reglu­gerðar án eðli­legs fyr­ir­vara braut ráð­herra gegn með­al­hófs­reglu stjórn­sýslu­réttar.

Þá segir einnig í til­kynn­ing­unni að Svandís hafi lík­leg­ast bakað rík­is­sjóði skaða­bóta­skyldu:

„Með setn­ingu reglu­gerðar sem skorti við­hlít­andi laga­heim­ild og án þess að gæta að með­al­hófi, hefur ráð­herr­ann vafa­lítið bakað rík­is­sjóði skaða­bóta­skyldu.“

Að lokum segir í til­kynn­ing­unni að ráð­herra sem brjóti gegn lögum eigi að axla ábyrð.

„Sjálf lýsti ráð­herr­ann því yfir að hún hefði ekki laga­heim­ild til að aft­ur­kalla veiði­leyfið. Engu að síður setti hún reglu­gerð án fyr­ir­vara sem kom í veg fyrir nýt­ingu leyf­is­ins. Ráðherra sem brýtur gegn lögum, brýtur gegn stjórn­ar­skrá, þarf að axla ábyrgð gjörða sinna. Flokkur fólks­ins krefst þess að hún víki þegar í stað.“

Hvorki náð­ist í Ingu Sæland né Svandísi Svav­ars­dóttur við gerð frétt­ar­innar.