Katrín Jakobsdóttir, fyrrverandi forsætisráðherra, er á skriði í kosningabaráttunni. Smám saman er að komast mynd á þá skjaldborg sem ætlar að tryggja henni sigurinn.
Í gær steig fram Friðjón R. Friðjónsson, fyrrverandi aðstoðarmaður Bjarna Benediktssonar og borgarfulltrúi flokksins, og lýsti því að hann væri í framlínu stuðningsmanna Katrínar.
„Ég hef ekkert á móti þeim sem helst etja kappi við Katrínu, allt það fólk myndi standa sig með sóma í embætti. En ég styð Katrínu vegna þess að ég þekki hana líklega best allra frambjóðenda og tel mig vita hvernig forseti hún yrði,“ skrifar Friðjón á Facebook.
Annar áberandi stuðningsmaður Katrínar er kraftaverkakonan Elín Hirst, fyrrverandi alþingismaður Sjálfstæðisflokksins. Loks flýgur fyrir að Svanhildur Hólm, fyrrverandi aðstoðarmaður Bjarna Benedikssonar og verðandi sendiherra, sé virk í baklandi Katrínar. Renna nú öll vötn til Garðabæjar. Hermt er að keppinautum Katrínar sé nokkuð brugðið við að mæta Sjálfstæðisflokknum, gráum fyrir járnum í baráttunni um Bessastaði …
Athugasemdir