Halla Tómasdóttir, verðandi forseti Íslands, á ekki upp á pallborðið hjá kjósendum sínum og öðrum þessa Íslendingum dagana. Dularfull bílakaup hennar og pósa þeirra hjóna með forstjóra Brimborgar hefur orðið til þess að efast er um siðferði forsetans.
Egill Jóhannsson, forstjóri Brimborgar, hefur beðist afsökunar á því að hafa birt myndina sem setti allt af stað og segir misskilning hafa orðið til þess að myndin varð opinber. Óljóst er af hverju hann iðrast eftir að hafa fengið svo frábæra auglýsingu út á viðskipti sem hann segir fullkomlega eðlileg. Hvorki Halla né Egill vilja opinbera hver afslátturinn var af umræddum bíl. Netheimar hafa logað vegna þessa og fáir koma Höllu til varnar.
Jón Viðar Jónsson leikhúsrýnir er einn þeirra sem foræmir þann þagnarhjúp sem reynt er að sveipa um málið og krefst allra upplýsinga í færslu á Facebook. Þá vill hann einnig vita hvað er að baki vali á gestalista þeirra sem boðið er til veislu vegna innsetningar nýs forseta. Á meðal gesta er forstjóri Brimborgar sem sagt hefur í viðtali að þau Halla séu einungis kunningjar.
Kristín Vala Ragnarsdóttir prófessor telur í ítarlegri færslu á Facebook að Brimborgarmálið og viðbrögð við því undirstriki að það hafi verið mistök að kjósa Höllu sem forseta.
„Hve grunnhyggin getur verðandi forseti verið? Að láta sér detta í hug að fá „photo opportunity“ þegar nýr bíll er keyptur á sértilboði og þykja það í lagi er mér óskiljanlegt?“ skrifar Kristín Vala.
Víst er að skuggi hvílir yfir þeim viðburði þegar nýr forseti verður settur í embætti á fimmtudaginn. Öll spjót standa nú á forsetanum verðandi …
Athugasemdir