Tugir brunnu lifandi í árás Ísraela á sjúkrahús: „Þetta er hryllingssýning hérna“

Fjöldi manns, menn, konur og börn brunnu lif­andi í árás Ísra­els­hers á Al-Aqsa sjúkra­húsið í borg­inni Deir el-Balah á Gaza í nótt.

Amma syrgir barna­barn sitt.

Mynd: Trausti Haf­steins­son

Dr Mohammed Tahir skurð­læknir, er að takast á við blóð­baðið eftir árás Ísraela á Al-Aqsa sjúkra­húsið í mið­hluta Gaza.

Tahir sagði að hann og yfir­bugað teymi hans hafi þegar verið að takast á við aðra fjölda­árás, skotárás Ísra­els­hers á skóla sem skýlir Palest­ínu­mönnum á flótta í Nuseirat, þegar fórn­ar­lömb sjúkra­húsárás­ar­innar streymdu inn.

„Þetta var okkur ofviða. Við sáum konur, karla, börn allt niður í eins árs, deyja fyrir augum okkar,“ sagði Tahir við Al Jazeera fyrir utan sjúkra­húsið.

„Ég hef talað við ótal ein­stak­linga sem urðu vitni að ein­hverju af hryll­ingnum. Fólk er í áfalli. Ég held að það sé sann­gjarnt að segja að fólk sé í raun komið á það stig núna að því finnst að það sé engin von, eng­inn kemur til að hjálpa því, eng­inn kemur til að bjarga því.“

Tahir sagði að þeir væru að fást við sjúk­linga með bruna á 60 til 80 pró­sentum lík­ama þeirra, margir þeirra munu ekki lifa af. „Fyrir sjúk­lingar með veru­lega hátt hlut­fall bruna­sára á lík­am­anum, því miður, eru örlög þeirra inn­sigluð. Þeir kom­ast ekki einu sinni á gjör­gæslu­deild­ina. Þeir munu deyja.“

„Þetta er hryll­ings­sýn­ing hérna. Satt að segja finnst mér stundum eins og þetta sé ekki raun­veru­legt líf, að þetta geti haldið áfram og þessi þján­ing fái að ger­ast í þessum heimi.“