Haukur Heiðar Leifsson fer yfir ástand stjórnmálanna hér á landi í löngu þræði á X-inu. Segir hann að Silfrið í gærkvöldið hefði sýnt fram á að ástandið sé mun alvarlegra en almenningur hafi gert sér grein fyrir.
Áfengis- og kerfissérfræðingurinn Haukur Heiðar Leifsson skrifaði langan þráð á samfélagsmiðlinum X, sem vakið hefur athygli en þar fer hann yfir Silfrið sem sýnt var í gærkvöldi. Þar rifust formenn stjórnarflokkanna fyrir framan alþjóð og ýmislegt þótti koma í ljós hvað varðar áherslur flokkanna fyrir komandi kosningar.
„Ég er í áfalli eftir Kastljós þátt gærkvöldsins. Ástandið er miklu verra en maður hélt og hér eru smá vangaveltur eftir að hafa horft á þennan sandkassaleik.“ Þannig hefst þráður Hauks Heiðars en hann nefnir í þræðinum túlkun sína á því sem fram fór í þættinum.
„Að enginn stjórnarflokkur getur viðurkennt að vandamál #1 í samfélaginu er verðbólga og vaxtastig og algjört getuleysi í þeim málum. Bjarni vogaði sér meira segja að tala um bætta kaupgetu, eitthvað sem vb og vextir eru löngu búnir að éta upp og að kostnaður fyrirtækja og ríkis sé ekki bundið við að vextir eru eins og í stríðshrjáðu landi. Í hvaða heimi er þetta fólk? Og að Bjarni segir ekki fyrr en í þættinum að hann ætli að biðjast lausnar og svo hefst eitthvað undarlegasta samtal sem maður hefur séð þar sem þrautreynt stjórnmálaflokk getur ekki skilið hugtakið starfsstjórn.“
Næst bendir hann á samband VG og Sjálfstæðisflokksins:
„Og að hlutir eru svo ótrúlega beyond repair að VG geta ekki unnið í starfsstjórn með xD, sem gerir það þeirra ráðuneyti algjörlega USELESS á þessum örfáu vikum sem eftir eru. Og að hér eigi fjárlög að sitja á hakanum kannski inn á nýtt ár. Þetta er hrein stjórnarkreppa.“
Haukur Heiðar snýr sér síðan að Miðflokknum og Flokki fólksins:
„Miðflokkur ætlar svo að einbeita sér að pólerasera umræðuna með flóttafólks málflokknum í stað þess að beita sér að alvöru málefnum eins og verðbólgu og vaxtastigi. Þrátt fyrir að vissulega er málaflokkur innflytjenda ansi stór. Flokkur Fólksins ætlar að hafa mál númer eitt að þurrka út almenningssamgöngur, eitthvað sem ég hélt að þeirra helsti málaflokkur og kjósendur myndi njóta góðs af.“
Þá er kerfisfræðingurinn standandi bit yfir því að Bjarni Benediktsson ætli sér að sitja áfram sem formaður flokksins:
„Og að Bjarni Ben ætlar ekki að hika við að leiða sinn flokk sem er rjúkandi rúst inn í kosningar í stað þess að Þórdís Kolbrún eða Áslaug fái að stokka upp í þessum flokki sem hefur löngu yfirgefið gildin sín og er nánast jafn klofinn og old school Samfylking.“
Að lokum segir Haukur Heiðar að ekki nema tveir formenn flokka á þingi átti sig á aðal vanda þjóðarinnar en gefur skemmtagildi þáttarins bónus stig en hann segir Sigurð Inga Jóhannesson hafa litið út eins og skilnaðarbarn.
„Í heildina er þetta ótrúlega bleak og það virðist að aðeins kannski tveir formenn átti sig á raunverulegum vanda þjóðarinnar. Kosningabarátta framundan sem mun ekki snúast um neitt nema froðu og sundrung í stað þess að taka á vandamálum þjóðarinnar. GALIÐ.
Bónus stig samt í skemmtanagildi þar sem Sigurður Ingi leit út fyrir að vera bugað skilnaðarbarn sem getur ekki lengur horft upp á foreldra sína rífast. Að þetta tók allan þennan tíma að viðurkenna að stjórnin var ekki starfhæf er til skammar fyrir þetta fólk.“
Athugasemdir