Ekki er víst hvort Kamilla Bretadrottning geti mætt á mikilvæga viðburði fyrir konungsfjölskyldunnar, þar sem hún berst enn við brjóstsýkingu.
Buckingham-höll tilkynnti í dag að meðlimir konungsfjölskyldunnar, þar á meðal prinsessan af Wales, myndu mæta í minningarhátíðina á Cenotaph og minningarhátíðinni í Royal Albert Hall um helgina. Fyrr í vikunni neyddist Kamilla til að hætta við að mæta í nokkra viðburði eftir að hafa veikst.
Nú hefur verið staðfest að mæting drottningarinnar um helgina verði þó háð læknisráði þegar nær dregur. Karl konungur, sem nýlega lauk fyrstu langferð sinni til útlanda síðan hann greindist með krabbamein, mun leggja valmúaakrans af við Cenotaph-minnisvarðann á sunnudaginn, og sýnir þannig, fyrir hönd þjóðarinnar, virðingu fyrir föllnum hermönnum og konum.
Hann mun fá til liðs við sig Vilhjálm prins, Katrínu, sem lauk nýlega lyfjameðferð eftir eigin krabbameinsgreiningu og aðrir meðlimir konungsfjölskyldunnar, þar á meðal hertogann og hertogaynjuna af Edinborg og Önnu prinsessu. Verður þetta í fyrsta skipti sem Katrín mætir tvo daga í röð á opinberan viðburð, á árinu.
Tilkynnt var á þriðjudaginn að Kamilla myndi missa af nokkrum viðburðum sem fóru fram í gær, þar á meðal opnun Minningarvallar í Westminster Abbey og móttöku Buckingham-hallar fyrir Ólympíufara, í boði Karls konungs. Háttsettur aðstoðarmaður í höllinni sagði á þeim tíma að drottningin væri heima hjá sér í hvíld, samkvæmt fyrirmælum læknis.
Á miðvikudaginn tilkynnti hinsvegar höllin um viðburði fyrir Kamillu í næstu viku og sagði að hún myndi leiða móttöku í Clarence House á þriðjudag fyrir höfunda sem eru á lista yfir mögulega sigurvegara Booker-verðlaunanna í ár. Í móttökunni mun Edmund de Waal, dómaraformaður ársins, halda stutta ræðu og Kamilla mun óska höfundum sem eru á listanum til hamingju áður en sigurvegarinn verður tilkynntur síðar um kvöldið.
Að auki ætlar hún að mæta á glæsilega heimsfrumsýningu Gladiator II í næstu viku. Konungurinn og Kamilla munu hitta stjörnur stórmyndarinnar, Paul Mescal, Denzel Washington, Connie Nielsen og Pedro Pascal, og leikstjórann Sir Ridley Scott. Konungshjónin munu koma sér fyrir til að horfa á sýningu framhaldsmyndarinnar sem mikil eftirvænting er fyrir á Royal Film Performance á Leicester Square í London næsta miðvikudagskvöld. Hún mun einnig ganga til liðs við Karl þar sem þau halda sérstaka móttöku í Buckinghamhöll til að fagna sjónvarps- og kvikmyndaiðnaði í Bretlandi fyrr um daginn.
Kamilla, 77 ára, hefur verið miðpunktur konunglegra viðburða í marga mánuði, eftir að konungurinn var fyrst lagður inn á sjúkrahús vegna stækkaðs blöðruhálskirtils í janúar og eftir að hann greindist síðan með krabbamein nokkrum vikum síðar. Karl, sem er 75 ára, tók sér frí frá sviðsljósinu og opinberum skyldum konungs, en sneri síðan aftur þó í apríl á meðan hann var enn í vikulegri krabbameinsmeðferð.
Athugasemdir