Það verður ekki tekið af Lindu Benediktsdóttur, eða Lindu Ben eins og hún er yfirleitt kölluð, að hún er einn duglegasti áhrifavaldur landsins. Henni hefur tekist á tæpum áratug að byggja upp öfundsvert veldi en í dag er varla hægt að labba inn í matvörubúð án þess að rekast á góðgæti frá henni enda eru vörurnar orðnar tíu talsins og virðist hreinlega hafa tekið yfir markaðinn.
Þá gaf fyrirsætan fyrrverandi út mjög vel selda kökubók fyrir nokkrum árum og var að byrja með sjónvarpsþátt á Stöð 2. Samhliða þessu öllu hefur hún leyft fólki að fylgjast með eldmennsku og bakstri á samfélagsmiðlum og byggt í tvígang einbýlishús með Ragnari Einarssyni, eiginmanni sínum, en Ragnar er forstöðumaður færsluhirðingar Landsbankans.
Gaman verður að sjá hvað skref Linda Ben tekur næst en það styttist óðum í það að hún komist á sama stall og Siggi Hall og Jói Fel þegar kemur að vörumerki í matargerð …
Athugasemdir