Telma fokreið í beinni

Telma Tómasson, frétta­þulur Stöðvar 2, fór mik­inn í gær þegar hún krafði Magnús Þór Jónsson, for­mann Kenn­ara­sam­bands­ins, skýr­inga vegna skæru­verk­falls kenn­ara. Magnús Þór mætti í beina útsend­ingu í frétta­tím­ann.

Athygli vakti hve ágeng Telma í spurn­ingum sínum til for­manns­ins. Hún krafð­ist þess af hörku að Magnús Þór útskýrði aðferða­fræð­ina og árang­urs­leysið gagn­vart þolendum verk­falls­ins sem eru ein­ungis brot af skóla­fólki í land­inu. Telma gaf Magnúsi líka pillu með því að bjóða hann vel­kom­inn frá útlöndum þar sem hann var í skemmti­ferð í miðju verk­falli.

Ragnar Þór Pét­urs­son kenn­ari gerir málið að umtals­efni á Facebook og bendir á að Telma sé ekki hlut­laus þar sem hún eigi barna­barn á lok­uðum leik­skóla. „Í  kvöld fengum við að sjá „reiðu ömm­una,“ frétta­kon­una sem á barna­barn í sama leik­skóla sem nú er lok­aður vegna verk­falls …,“ skrifar Ragnar Þór og benti henni á að Ráðhús Sel­tjarn­ar­ness sé opið frá 8 til 16 og þangað geti frétta­konan farið sem reiður aðstand­andi og gert kröfu á að póli­tíkin leysi málið.

Margir taka undir með Ragnari en aðrir dást að frétta­kon­unni fyrir þá hörku sem hún sýnir loks­ins eftir ára­tuga­störf með brosið að vopni …