Grindvíkingar mega geyma hluti í seldum eignum: „Stuðla að tengslum fólks við hús“

Hús­eig­endur sem seldu fast­eigna­fé­lag­inu Þórkötlu hús sín í Grinda­vík geta frá og með deg­inum í dag geymt eigur sínar í húsum sem þeir seldu geri þeir sér­stakan holl­vina­samn­ing við félagið en RÚV greinir frá þessu.

Velji fólk að gera slíkan samn­ing þarf við­kom­andi að borga hita og raf­magns­kostnað og 30 þús­und króna gjald. Þá þurfa þeir sem semja við Þórkötlu á þennan máta að sinna minni háttar við­haldi en ekki er í boði að semja um hefð­bund­inn leigu­samn­ing segir Örn Viðar Skúlason, fram­kvæmda­stjóri Þórkötlu. Hann segir að of mikil óvissa sé í spil­unum til hægt sé að stíga það skref.

Örn segir að lang­tíma­mark­miðið sé að fólk geti keypt eign­irnar aftur síðar ef aðstæður breyt­ast en með þessu geti þeir sem semja við Þórkötlu við­haldið sam­bandi við eignir sínar. „Þetta er tví­þætt, ann­ars vegar viljum við stuðla að tengslum fólks við hús sem það hefur til­finn­ingar til,“ sagði Örn Viðar. „Síðan er það þannig að við erum að horfa á eft­ir­lit með heilu bæj­ar­fé­lagi. Það er mikil hjálp í því ef fólk vill sinna við­haldi og nostra að ein­hverju leyti við eign­irnar sem við teljum að við munum eiga erfitt með að ná utan um.“

Alls hefur Þórkatla gengið frá 907 kaup­samn­ingum í Grinda­vík.