Keyrt var á ungan mann í Vesturfjarðagöngunum árið 2001 þegar hann var að húkka sér far en DV greindi frá málinu á sínum tíma.
Forsaga málsins er sú að Guðjón Svanur Magnússon, 24 ára gamall sjómaður á Flateyri, var að skemmta sér á dansleik á Ísafirði. Þegar honum var lokið fékk Guðjón far með bíl inn í göngin að afleggjaranum í Súgandafjörð, þar sem leiðir skildi.
„Ég hugðist húkka mér far og veifaði út hendinni en í þann mund var bílnum sveigt að mér þannig að ég rak höndina í hann og missti fótanna. Atburðarásina eftir það man ég óglöggt en líklega hef ég farið heilan hring í loftinu og rekið mig utan í gangavegginn og lent í jörðinni. Við það hruflaðist ég í andliti og kenndi eymsla i bringu,“ sagði Guðjón við DV um málið.
„Ég man mjög óljóst atburðarásina frá því að bíllinn keyrði á mig. Ég skreiddist að næsta neyðarsíma sem þarna er og ætlaði að ná sambandi við lögregluna á Ísafirði, en síminn reyndist algjörlega sambandslaus, sama hvað ég fiktaði í öllum tökkum.“
Eftir að hafa staðið sárþjáður í göngunum í nokkurn tíma keyrði vinur hans að honum og kom honum á Fjórðungssjúkrahúsið og framhaldi þess fór Guðjón til lögreglu að kærði hinn óþekkta ökufant.
Athugasemdir