Dr. Mads Gilbert segir frá því nú fyrir stundu að verið sé að brenna Kamal Adwan-spítalann á Gaza með 60 heilbrigðismönnum innan í og 25 sjúklinga. Segir hann að fyrir brunann hafi 50 manns verið drepnir af í flugárás F-16 flugvélar Ísraelshers á byggingu gengt spítalanum.
Á samfélagsmiðlum sínum birti norski læknirinn Mads Gilbert, sem starfað hefur á Gaza í áratugi, orð frá framkvæmdarstjóra Kamal Adwan-spítalans á Gaza, Dr. Hussam Abu Safiya:
„Það eru um það bil 50 píslarvottar, þar á meðal þrír af heilbrigðisstarfsmönnum okkar, undir rústum byggingar gengt Kamal Adwan sjúkrahúsinu eftir loftárás hernámsliðsins.“
Hélt læknirinn áfram og sagði frá þeim starfsmönnum sem drepnir voru:
„Dr. Ahmed Samour, barnalæknir, var að vinna á sjúkrahúsinu og fór út í turninn þar sem hann býr með fjölskyldu sinni.
Hvað varðar Esraa, tæknimann tilraunastofunnar, þá fór hún út til að koma með mat handa föður sínum og bróður í sömu byggingu og þau urðu strax skotmörk í loftárás frá ísraelskri F-16 flugvél.
Þegar Fares, viðhaldstæknir, sá vettvanginn hljóp hann til að reyna að bjarga því sem hann gat; Því miður varð hann einnig skotmark, sem leiddi til píslarvættisdrápa þriggja læknaliða okkar og 50 annarra undir rústunum.
Hvað sjúkraliðana Abdul Majid og Maher varðar, þá voru þeir á leið á sjúkrahúsið nálægt Zayed-hringtorginu, sem er 500 metra frá sjúkrahúsinu, þegar þeir urðu skotmörk og drápust þeir samstundis og lík þeirra eru enn á götunni þar sem enginn kemst að þeim.“
Bætti hann við að lokum: „Þetta er enn einn dimmur dagur í yfirstandandi röð glæpa gegn Kamal Adwan-sjúkrahúsinu og starfsfólki þess.“
Dr. Mads Gilbert bætti við annarri færslu þar sem hann segir Ísraelsher hafa nú kveikt í sjúkrahúsinu með 60 starfsmenn innanborðs og 25 sjúklinga.
„STÓRFRÉTT: 25 sjúklingar og 60 starfsmenn eru enn inni í brennandi sjúkrahúsinu. Ísraelsher segir að spítalinn „verði tómur í lok dags“, ætlar sér að þvinga alla á indónesíska sjúkrahúsið sem ekki er starfrækt. STÖÐVUM ÞETTA!“
Athugasemdir