Hönnunargalli í Smiðju olli hræðslu í heimsókn Úkraínuforseta: „Ekki er öll vitleysan eins“

Hönn­un­ar­galli í nýju Alþing­is­bygg­ing­unni olli hræðslu þegar Volody­myr Zelenskyy Úkra­ínu­for­seti var í heim­sókn hér á landi.

Inga Sæland, félags­mála­ráð­herra segir í Facebook-færslu á Facebook-síðu Flokks fólks­ins, frá ansi sér­stökum hönn­un­ar­galla í Smiðju, nýju húsi Alþingis.

„Snemma í des­em­ber sátum við „val­kyrjur“ á fimmtu hæð í nýju bygg­ingu Alþingis, Smiðju. Við höfðum óskað eftir fundi með full­trúum fjár­mála­ráðu­neyt­is­ins. Frá­far­andi rík­is­stjórn hafði lagt mikla áherslu á það í kosn­inga­bar­átt­unni hvað hún hefði skilað góðu búi og því vorum við und­ir­búnar fyrir góðar fréttir af stöðu rík­is­fjár­mála. Úti ríkti hálf­gert vetr­ar­veður í takt við tím­ann. Það brá svo við að áður en fundur hófst kom all­nokkur titr­ingur á her­bergið.“ Þannig hefst færsla Ingu en töldu Val­kyrj­urnar að um jarð­skjálfta væri að ræða. Svo var þó ekki.

„Við skrif­uðum það á smá jarð­skjálfta en all­nokkurn þó og vel fyrir honum fundið. Þegar hins vegar þetta virt­ist vera sam­felld skjálfta­hrina með reglu­legu 15 mín­útna bili á milli skjálfta vissum við að eitt­hvað skrítið væri á ferð­inni. Síðan var það stað­fest að ekki væri um jarð­skjálfta að ræða heldur hönn­un­ar­galla á hús­inu sem olli því að fund­ar­her­bergin á fimmtu hæð titr­uðu í hvert sinn sem stræt­is­vagnar eða önnur stór öku­tæki óku yfir hraða­hindr­un­ina í Von­ar­stræti framan við bygg­ing­una.“

Að lokum sagði Inga, í umfjöllun sinni um hinn vand­ræða­lega hönn­un­ar­galla, frá því að titr­ing­ur­inn hafi ollið hræðslu þegar for­seti Úkraínu heim­sótti Alþingi.

„Til gam­ans má geta þess að titr­ingur þessi olli tölu­verðum áhyggjum þegar Volodimír Selenskí Úkra­ínu­for­seti heim­sótti Ísland og fund­aði með utan­rík­is­mála­nefnd þings­ins í sama fund­ar­her­bergi. Ekki er öll vit­leysan eins.“