Hannes og örvæntingin

Upp­gjörið við Bjarna Bene­dikts­son innan Sjálf­stæð­is­flokks­ins er hafið. Leitað er ákaft að nýjum for­manni sem hafi til þess burði að leiða flokk­inn til þess hásætis sem var ára­tugum saman. Vandinn er sá að í valda­kjarna flokks­ins er eng­inn sýni­legur til að taka við kaleiknum. Sú gamla speki um að fátt þrí­fist í skjóli stóru eik­ar­innar er í fullu gildi.

Örvænt­ing flokks­manna er slík að hug­myndir hafa komið upp um að hinn nýji Messías flokks­ins gæti verið Stefán Einar Stef­áns­son, blaða­maður Moggans. Þá hefur Gísli Marteinn Bald­urs­son sjón­varps­maður verið til­greindur sem mögu­legur bjarg­vættur. Mörgum er þó í fersku minni þegar hann reyndi að verða odd­viti flokks­ins í Reykja­vík en laut í gras.

Loks heyr­ist hvíslað í myrkviðum flokks­ins að Hannes Hólm­steinn Giss­ur­ar­son, pró­fessor á eft­ir­launum, væri svarið. Hannes var í fjög­urra vasa­klúta við­tali við Morg­un­blaðið á dög­unum þar sem dregið var fram að hann er lítt eft­ir­sóttur á Íslandi á meðan heims­byggðin kallar ákaft eftir skoð­unum hans. Á það er bent að Hannes er tals­vert yngri en Donald Trump og gæti auð­veld­lega skerpt á hægri­stefnu flokks­ins og sett frjáls­hyggj­una á odd­inn …