Ríkisfjölmiðillinn Kan í Ísrael, sem vitnar í nafnlausan pólitískan heimildarmann, greinir frá því að Netanyahu hafi ákveðið að hindra inngöngu hjólhýsa og þungavinnuvéla inn á Gaza.
„Í kjölfar öryggissamráðs undir forustu forsætisráðherra var ákveðið að hjólhýsamálið verði rætt á næstu dögum. Ísrael er í fullri samhæfingu við Bandaríkin,“ er haft eftir heimildarmanni. Verði þetta staðfest gæti það haft áhrif á viðkvæmt vopnahlé á Gaza.
Hamas-samtökin höfðu hótað að fresta lausn ísraelskra gísla í síðustu viku eftir að hafa sakað Ísraela um að tefja fyrir komu hjálpargagna, þar á meðal húsbíla og véla, inn á hið eyðilagða svæði, þar sem Palestínumenn á flótta búa við harðan vetur í bráðabirgðaskýlum.
En Hamas sleppti að lokum gíslunum eins og áætlað var, í gær eftir að sáttasemjarar fengu frá Ísrael „loforð … um að koma á mannúðaráætlun“ sem myndi leyfa byggingarbúnaði og tímabundið húsnæði inn á hið eyðilagða svæði, samkvæmt AFP.
Frétt Kan kemur í kjölfar þess að Trump fagnaði nýjustu sleppingum gísla og er það nú undir Ísrael komið að ákveða hvað á að gera varðandi þá afarkosti sem hann hafði gefið Hamas um að sleppa öllum gíslum sem haldið var á Gaza fyrir hádegi í gær.
Netanyahu ætlar að halda ríkisstjórnarfund í dag til að ræða afstöðu Ísraels.
Athugasemdir