Hlöðver Haraldsson á Hólmadrangi og hjátrúin: Skipaði kokknum að henda sviðahausunum í sjóinn

Hlöðver Har­alds­son er oft kenndur við Hólma­drang þar sem hann var skip­stjóri um ára­bil. Hólma­drangur var annar af fyrstu frysti­tog­ur­unum sem Íslend­ingar eign­uð­ust. Hann er nýjasti gestur Reynis Trausta­sonar í hlað­varp­inu Sjóarinn. Hér má lesa brot úr við­tal­inu eða hlusta á það í heild sinni.

Svo varð Hlöðver sjó­maður að atvinnu. Frændur hans áttu bát í Ólafsvík og þar var hann með þeim á ver­tíð á netum, snur­voð og trolli.

„Ég lærði nátt­úr­lega hell­ing af þeim. Svo keyptu þeir stærri bát og við voru á ver­tíð um vet­ur­inn á netum og svo var farið á troll um sum­arið og það var ráð­inn tog­ara­skip­stjóri, Haukur Hall­varðs­son. Ég var stýri­maður. Hann var hörku kall og ég lærði mikið af honum. Þá fórum við á trollið og þá byrj­aði neta­vinnan.“

Þarna var Hlöðvar búinn að fara í Stýri­manna­skól­ann. Svo tók hann fljót­lega flugið sem skip­stjóri.

„Ég ætl­aði mér nú aldrei að verða skip­stjóri. Það var ekki tak­markið. Ég var búinn að kynn­ast ýmsu; ég var búinn að fara með skip­stjórum sem maður hugs­aði með sér hvers konar rosa­legu hörkukarlar þetta væru. Það sem skeði er að það kom tog­ara­verk­fall; allir tog­ar­arnir sigldu inn í Reykja­vík­ur­höfn og karl­inn var tog­ara­skip­stjóri og kom í land til að taka þátt í verk­fall­inu.“

Á bátnum.

„Já. Þá var eng­inn skip­stjóri og ég varð að taka við og var ekki einu sinni búinn með fullan tíma sem stýri­maður. En við fengum und­an­þágu. Þetta tókst mjög vel og við fylltum bát­inn og fórum í sigl­ingu til Belgíu. Þá kom karl­inn; þá var verk­fallið búið.“

Og fer­ill­inn var haf­inn.

Hlöðver talar um hjá­trú afa síns.

„Kallinn, afi, var búinn að kenna mér að trúa á hitt og þetta. Ég missti einu sinni trollið á sunnu­degi; engin festa. Ég tók eftir einu en það var að það voru svið í mat­inn í hádeg­inu. Einhvern tím­ann seinna voru aftur svið í mat­inn og þá fékk ég grjót í pok­ann og og missti hann. Og ég kenndi svið­unum um. Þannig að þá kom hjá­trúin og þá bann­aði ég svið.“

Eitt sinn átti Hlöðver skip­stjóri að vera í fríi en það breytt­ist. Þá hafði kokk­ur­inn hugsað sér gott til glóð­ar­innar og hafa svið í mat­inn. Hlöðver sagði kokk­inum að henda þeim í sjó­inn. „Ég hjálp­aði honum að vera öruggur með að hver ein­asti haus færi í sjó­inn.“