Tuttuguogníu ára gamall eins barns faðir frá Halifax, lést á Benidorm á Spáni 22. mars síðastliðinn, á meðan hann var á steggjapartíi með föður sínum og vinum.
Samkvæmt yfirlýsingu frá barstjóranum á Funky Flamingo bar féll maðurinn aftur fyrir sig af barstól og skall með höfuðið í gólfið. Hann missti meðvitund og starfsfólk barsins reyndi endurlífgun í um það bil 15 mínútur áður en sjúkrabíll kom á staðinn. Læknar á vettvangi reyndu að endurlífga hann áfram og gáfu honum adrenalínsprautu, en án árangurs, hann var úrskurðaður látinn á staðnum.
Í yfirlýsingu til spænskra fjölmiðla sagði þjóðarlögreglan (e. National Police):
„Við getum staðfest að maður lenti í einhvers konar slysi og lést á vettvangi. Hann fékk aðhlynningu frá fólkinu á staðnum og síðar frá sjúkraflutningamönnum. Dánarorsök eru enn óþekkt.“
Faðir mannsins og vinir hans, sem voru með honum á barnum, voru sagðir hafa verið í áfalli. Bareigandinn Gaston Luciano sagði við MailOnline:
„Þeir gáfu honum adrenalín og tengdu hann við vél – þeir gerðu allt sem þeir gátu. Þetta var svo sorglegt. Vinir hans voru í losti fyrstu mínúturnar en svo rann raunveruleikinn upp fyrir þeim. Þeir voru í geðshræringu og grétu.“
Einn sjónarvottur lýsti því að hafa séð „marga lögreglubíla“ og tvo sjúkrabíla fyrir utan barinn. Annað vitni sagðist hafa séð mikið magn blóðs renna frá höfði mannsins.
Maðurinn hafði áður fengið hjartaáfall, fyrir nokkrum árum.
Hann átti að giftast unnustu sinni í maí og var í steggjapartíi þegar slysið átti sér stað.
Athugasemdir