Védís Hervör skiptir um vinnu

Söng­konan þekkta Védís Hervör Árna­dóttir hefur verið ráðin stjórn­andi nýrrar skrif­stofu umbóta og þró­unar hjá Kópa­vogsbæ en greint er frá þessu í til­kynn­ingu frá bænum.

„Það er mik­ill heiður að fá að leiða nýja skrif­stofu umbóta og þró­unar með öfl­ugu teymi. Hún verður vett­vangur fram­sæk­inna lausna með áherslu á staf­ræna umbreyt­ingu, gagna­drifna mark­aðs­setn­ingu og iðandi menn­ing­ar­líf. Með ein­földun ferla og nýt­ingu sam­legð­ar­á­hrifa má auka skil­virkni og þjón­ustu og þannig standa vörð um sterka stöðu Kópavogs með umbótum sem skila sér í auknum lífs­gæðum íbúa,“ sagði Védís um nýja starfið.

„Skrif­stofa umbóta og þró­unar mun spila lyk­il­hlut­verk í fram­þróun Kópa­vogs­bæjar. Við ætlum að stíga mark­viss skref í að efla þjón­ustu við íbúa með auk­inni staf­rænni þjón­ustu. Védís á að baki far­sæla stjórn­enda- og rekstr­ar­reynslu. Það er mik­ill fengur að fá svo öfl­ugan stjórn­anda með ferska sýn, en það er einmitt það sem ný skrif­stofa þarfn­ast“ sagði Ásdís Krist­jáns­dóttir, bæj­ar­stjóri Kópavogs.

Védís var valin úr hópi 23 umsækj­enda en hún starf­aði sem for­stöðu­maður miðl­un­ar­sviðs í stjórn­enda­teymi Samtaka atvinnu­lífs­ins frá árinu 2020. Samkvæmt til­kynn­ing­unni er Védís með Executive MBA meistara­gráðu í stjórnun, stefnu­mótun og rekstri frá Háskól­anum í Reykja­vík og BA gráðu í mann­fræði með áherslu á atferl­is­hag­fræði frá Háskóla Íslands.