Gunnlaugur Guðmundsson, fyrrverandi kaupmaður í Reykjavík, lést þann 16. júlí síðastliðinn á hjúkrunarheimilinu Hrafnistu við Sléttuveg, 94 ára að aldri.
Hann fæddist 8. febrúar 1931 í Vesturhóp í V-Húnavatnssýslu. Foreldrar hans voru Guðmundur Jónsson og Ingibjörg Lára Guðmannsdóttir, bændur í Vesturhópshólum. Gunnlaugur var næstyngstur í hópi sjö systkina.
Eftirlifandi eiginkona hans var Svanhildur Erla Jóhannesdóttir Levy, fædd 4. september 1937 í Hrísakoti á Vatnsnesi. Hún lést 31. desember 2020. Saman eignuðust þau fimm börn, fjögur þeirra eru á lífi: Garðar (f. 1956), Gunnlaugur Sævar (f. 1958), Hildur (f. 1965) og Áslaug (f. 1973). Sonur þeirra sem fæddist 1957 lést aðeins tveggja daga gamall.
Gunnlaugur missti föður sinn aðeins 15 ára gamall. Hann hóf snemma störf í verslun hjá föðurbróður sínum, Gunnlaugi Jónssyni, sem rak Gunnlaugsbúð í Reykjavík. Síðar tók hann við rekstrinum og stýrði versluninni um áratugaskeið, með stuðningi eiginkonu sinnar Erlu og barna þeirra. Gunnlaugsbúð var staðsett á Freyjugötu 15 og naut mikilla vinsælda meðal íbúa hverfisins, sem margir héldu tryggð við verslunina þótt þeir flyttust annað.
Síðar reistu Gunnlaugur og Erla verslunarmiðstöð við Hverafold í Grafarvogi og ráku þar Gunnlaugsbúð, söluturninn Foldaskálann og Sportbúð Grafarvogs. Þau hjónin unnu saman að öllum sínum verkefnum með mikilli einurð og samhug.
Að lokinni farsælli verslunarferil seldu þau eignir sínar í Grafarvogi og hófu nýjan kafla á jörðinni Galt við Hestvatn í Grímsnesi. Þar sinntu þau skógrækt, jarðabótum og byggingarframkvæmdum. Þau létu bora eftir heitu vatni og byggðu glæsilega sundlaug á jörðinni, sem afkomendur þeirra njóta nú með þakklæti.
Athugasemdir