Faðir á Egilsstöðum skrifaði færslu á Facebook þar sem hann kvartar undan óheiðarleika og gunguhátt sem 17 ára sonur hans varð fyrir í knattspyrnuleik í 5. deild á Egilsstöðum um helgina. Þar rúllaðiði liðið Spyrnir frá Egilsstöðum yfir SR, sem tengist Þrótti, 9-1.
Í færslunni segir faðirinn, sem sjálfur á að baki knattspyrnuferil, að um sé að ræða íþrótt þar sem „leikmenn takist á með tæklingum og barningi inni á vellinu“, sem sé eðilegur hlutur.
„Fótbolti er "kontakt sport" og leikmenn takast á með tæklingum og barningi inn á vellinum í báráttunni um boltann og telst það vera eðlilegur partur af leiknum. Heiðarlegt sport, þar sem leikmenn takast svo í hendur í leikslok.“
Segir hann því næst í færslunni að inn á milli megi þó sjá ljótari hegðun og segir frá því að fullorðinn leikmaður SR, hafi gefið 17. ára syni hans vísvitandi olnbogaskot þegar dómarinn sá ekki til.
„Óheiðarleika og gunguhátt má þó sjá inn á milli. Á meðfylgjandi myndbandi sést 31 ára leikmaður SR gefa 17 ára syni mínum olnbogaskot þegar boltinn er hinu megin á vellinum. Hann þurfti aðhlynningu þar sem það blæddi vel úr hökunni á honum og hann er búinn að vera slæmur í kjálkanum. Gjörsamlega óþolandi hegðun hjá leikmanni SR.
Þakka bara fyrir að höggið hafi ekki verið nokkrum sentimetrum ofar.“
Mannlíf heyrði í föðurnum sem sagði leikmanninn, Isaac Kwateng, sem jafnframt er vallarstjóri Þróttar, ekki hafa haft samband eftir atvikið, né aðra frá liðinu. Aðspurður um líðan drengsins sagði hann: „Hann fékk skurð à hökuna og var vel bólginn. Er búinn að vera slæmur í kjálkanum.“
Fotbolti.is fjallaði lítillega um atvikið í frétt sinni þar sem segir:
„Umdeilt atvik kom upp í leiknum á Egilsstöðum þar sem Isaac náðist á myndband við að gefa varnarmanni Spyrnis það sem virðist vera viljandi olnbogaskot í andlitið víðsfjarri boltanum. Dómari sá ekki atvikið og dæmdi því ekkert, en málið gæti ratað inn á borð aganefndar.“
Ennfremur birti vefurinn myndband af atvikinu sem sjá má hér fyrir neðan.
Athugasemdir