Fimm nemendur í einkaskóla í Svíþjóð ákærðir fyrir líkamsárás

Í jan­úar síð­ast­liðnum réð­ust fimm grímu­klæddir eldri nem­endur á yngri nem­endur í Lunds­berg heima­vist­ar­skól­anum í Svíþjóð.

Þeir vildu hefna sín fyrir kyn­þátta­hat­urs- og gyð­inga­hat­urs­fullan rapptexta.

„Þeir höfðu verið að nið­ur­lægja okkur lengi, við vildum reyna að stöðva það og setja punkt­inn yfir i-ið,“ segir einn hinna grun­uðu í skýrslu­töku.

Hófst með rappkeppni

Í jan­úar barst lög­reglu til­kynn­ing frá skól­anum í Storfors í Värmland þar sem skóla­stjórn­endur höfðu kom­ist að því að fimm nem­endur hefðu verið barðir með belti um helg­ina.

Fljót­lega kom í ljós að upp­hafið mátti rekja til árlegrar rapp­keppni heima­vist­ar­innar, þar sem nem­endur flytja spuna- og skoptexta.

Í þetta sinn fór keppnin úr bönd­unum. Nokkrir nem­endur í 9. bekk fluttu texta sem beind­ist að eldri nem­endum en inni­haldið var bæði kyn­þátta­hat­urs- og gyð­inga­hat­urs­fullt.

Í mynd­bandi heyr­ist meðal ann­ars:

„Fjöl­skyldan þín eru gyð­ingar og áttu að hafa brunnið í ofnum Hitlers.“

Einnig var ráð­ist að fjöl­skyldum eldri nem­end­anna:

„Móðir þín er svo fátæk að hún þarf að selja sig til þess að þú getir farið í Lunds­berg.“

Einn nem­and­inn sagði síðar í yfir­heyrslu:

„Við héldum bara að þeim myndu finn­ast þetta fyndið og kæmu svo upp og freestyle-uðu á móti okkur.“

En stemn­ingin í her­berg­inu breytt­ist hratt, allir urðu alvar­legir og margir reiðir. Eldri nem­endur töldu að það hafi verið farið yfir strikið.

Kýldir í magann

Tveimur dögum síðar í mat­sal skól­ans fengu tveir hinna yngri nokkuð hart hnefa­högg í mag­ann.

Á kvöld­matnum magn­að­ist áreitnin áfram. Eldri nem­endur settu mat í vatns­glös hinna yngri og neyddu þá til að skipta um glös.

„Við héldum þetta væri bara fífla­gangur,“ sagði einn dreng­ur­inn.

Úr mynd­skeið­inuFimm­menn­ing­arnir voru grímu­klæddir við árás­ina

Eftir mat­inn fengu þeir fyr­ir­mæli um að læsa ekki her­berg­is­dyrum sínum.

„Við héldum að þeir vildu bara stríða okkur. En um nótt­ina komu svo fimm grímu­klæddir inn með belti,“ sagði hinn dreng­ur­inn.

Barsmíðar á myndbandi

Fimm eldri drengirnir vopn­uðu sig með beltum og brut­ust inn á her­bergi þeirra yngri um nótt­ina. Þar voru þeir slegnir með hnefum, í þá sparkað og þeir barðir með leð­ur­beltum á meðan árásin var kvik­mynduð, sam­kvæmt ákæru.

Úr mynd­skeið­inuFimm­menn­ing­arnir réð­ust á nem­end­urnar með leð­ur­belti og hnefa­höggum

Skóla­stjór­inn heyrði lætin og síðar var málið til­kynnt til lög­reglu.

Myndefni fannst á sím­tækjum grun­uðu nem­end­anna, bæði frá rapp­keppn­inni og árásinni.

„Við vildum bara hræða þá“

Allir fimm eru ákærðir fyrir lík­ams­árás og inn­brot. Nokkrir við­ur­kenna þátt­töku en neita refsi­verðu broti.

Úr mynd­band­inuDrengirnir vildu hefna sín á yngri nem­end­unum

„Þeir byrj­uðu á að ráð­ast á okkur, beindu orðum sínum að að útliti okkar, fjöl­skyldu, kærustum. Það var gyð­inga­hatur. Þeir sögðu að mamma mín væri hóra og að þeir ætl­uðu að gera hluti við litlu systur mína, sem er níu ára,“ sagði einn hinna ákærðu.

„Við vorum brjál­aðir. Þeir fóru yfir strikið. Ég lamdi ekki fast, vildi bara hræða,“ bætti hann við.

Annar sagði:

„Ég tók þátt í að skipu­leggja að hræða þá yngri, en þetta fór úr bönd­unum, það var ekki planið.“

Allir lýstu því að þeir hefðu upp­lifað sig nið­ur­lægða og móðg­aða.

Skólinn: Öryggi nemenda í forgangi

Rektor skól­ans, Lars Jonsson, sagði í yfir­lýs­ingu:

„Af virð­ingu við alla sem hlut eiga að máli getum við ekki tjáð okkur um smá­at­riði. Öryggi og stuðn­ingur við nem­endur í dag­legu skóla­starfi eru í for­gangi.“