Óhætt er að segja að áhrifavaldurinn og kökudrottningin Linda Ben hafi sett samfélagsmiðla á Íslandi á hliðina fyrir tveimur dögum með gjafaleik sem hún sett í gang með Mediterranea Suites.
Varla hefur verið hægt að fara á samfélagmiðla undanfarna daga án þess að sjá Lindu skemmta sér konunglega í villu á Spáni en þeir sem taka þátt í leiknum geta unnið gistingu í sjö nætur í villunni fyrir tíu manns.
Þegar þetta er skrifað hafa verið skrifaðar tæplega 65 þúsund athugasemdir við færslu Lindu í von um að vinna þessa gistingu og hefur fylgjendafjöldi hennar vaxið talsvert.
Ferð Lindu virðist fyrst og fremst hafa einkennst af afslöppun og golfi, en eiginmaður hennar, Ragnar Einarsson, er mikill golfáhugamaður. Hann hefur meðal annars verið sagður búa yfir einni bestu golfsveiflu innan Landsbankans, þar sem hann starfar.
Linda hefur notið mikillar velgengni undanfarin ár. Bók hennar Kökur naut mikilla vinsælda og vakti töluverða athygli þegar hún út fyrir nokkrum árum. Þá stýrði hún einnig sjónvarpsþætti sem sýndur var á Stöð 2 fyrir jólin árið 2024.
Athugasemdir