Bandarískir alríkislögreglumenn og eftirlitsnefndir þingsins hafa hafið umfangsmikla rannsókn sem nær til margra stofnana í kjölfar „óhugnanlegs mynsturs“ dauðsfalla og mannshvarfa sem tengjast úrvals vísindamönnum í Bandaríkjunum sem tengdir eru kjarnorkurannsóknum og geimferðaáætlunum NASA. Nýlega varð kjarnorkuverkfræðingur hjá NASA tólfti vísindamaðurinn sem fannst látinn við grunsamlegar aðstæður.
Hinn skelfilegi líkfundur háttsetts kjarnorkuverkfræðings NASA hefur magnað ótta um markvissa herferð gegn fremstu vísindamönnum Bandaríkjanna en hann fannst í brunarústum Teslu-bifreiðar hans í fyrra en nýlega kom í ljós að átt hafði verið við bifreiðina. Bandarískir repúblikanar hafa lýst yfir áhyggjum vegna dauðsfalla vísindamannanna og tekið sérstaklega fram að þeir hafi allir tengst leynilegum kjarnorku- og geimferðaverkefnum.
Anna Paulina Luna þingmaður frá Flórída skrifaði nýlega á samfélagsmiðla: „Eitthvað er í gangi.“
Nancy Mace þingmaður frá Suður-Karólínu spurði: „Hver drap vísindamennina?“
Annar bandarískur þingmaður sagði: „Ef ykkur finnst óþægilegt hversu margir vísindamenn hafa horfið, látist eða svipt sig lífi, þá er innsæi ykkar rétt.“
Bæði bandaríska þingið og FBI rannsaka nú málin, en yfirvöld segja að á þessu stigi sé lítið hægt að upplýsa.
Eftirlitsnefnd fulltrúadeildarinnar hefur sent varnarmálaráðuneytinu og orkumálaráðuneytinu bréf þar sem varað er við því að þessi dularfullu dauðsföll geti verið „alvarleg ógn“ við þjóðaröryggi Bandaríkjanna og starfsfólk sem hefur aðgang að vísindaleyndarmálum.
Nýr uppgötvun
Rannsóknin hefur verið efld í þessari viku eftir að lík þekkts kjarnorkuverkfræðings,, hins 29 ára Joshua LeBlanc, fannst í brenndri Tesla-bifreið sinni í máli sem yfirvöld töldu fyrst vera venjulegt umferðarslys.
FBI tók hins vegar fljótt við rannsókninni eftir að tæknilegar rannsóknir bentu til þess að átt hefði verið við rafkerfi bifreiðarinnar.
Alríkislögreglan lítur nú á slysið sem hluta af stærra og alvarlegra mynstri sem tengist starfsfólki hjá NASA, SpaceX og Blue Origin.
„Tölfræðilega ólíklegt“
Þetta nýjasta dauðsfall er ekki einangrað tilvik. Undanfarna mánuði hefur röð mannshvarfa skekið vísindasamfélagið. Rannsóknarlögreglan rannsakar nú mál nokkurra vísindamanna sem sérhæfa sig í háþróuðum framdrifskerfum og óþekktum afbrigðilegum fyrirbærum (UAP) og hafa horfið sporlaust.
Bandarískir fjölmiðlar hafa greint frá því að margir þessara einstaklinga hafi starfað við afar leynileg verkefni, sem hefur leitt til vangaveltna um njósnir eða öryggisbrot.
„Við erum að horfa á tölfræðilega afar ólíklega röð atburða,“ sagði heimildarmaður nálægt rannsókninni í sjónvarpsviðtali og bætti við að fórnarlömbin hefðu öll verið lykilstarfsmenn í viðkvæmum varnargeirum.
Krefjast svara
Alvarleiki málsins hefur orðið til þess að eftirlitsnefnd fulltrúadeildarinnar hefur hafið sérstaka rannsókn á öryggisráðstöfunum sem eiga að vernda alríkisvísindamenn.
Þingmenn krefjast svara frá orkumálaráðuneytinu og NASA um hvers vegna fremstu sérfræðingar landsins virðast berskjaldaðir.
Nefndin bendir einnig á alþjóðleg áhrif málsins og segir mögulegt að dauðsföllin tengist flóknum iðnaðarnjósnum eða skemmdarverkum á vegum ríkja sem vilji veikja yfirburði Bandaríkjanna í nýju geimkapphlaupi.
Eitt það sem vekur mesta athygli í rannsókninni er möguleg notkun svokallaðra „blandaðra ógna“ gegn vísindamönnunum.
Vísbendingar eru um að stafrænar truflanir eða íhlutun kunni að hafa átt þátt í nokkrum banaslysanna, þar á meðal Tesla-brunanum nýlega.
Rannsóknin beinist nú að því að rannsaka persónuleg raftæki og snjallbifreiðar annarra háttsettra vísindamanna sem starfa við kjarnorku- og geimverkefni.
FBI hefur varað við því að sérfræðingarnir kunni að vera skotmörk „ósýnilegs andstæðings“ sem noti háþróaða tækni til að láta morð líta út eins og slys.
Á meðan listinn yfir horfna og látna vísindamenn lengist er vísindasamfélagið áfram í viðbragðsstöðu.
Óánægja aðstandenda
Fjölskyldur fórnarlambanna hafa lýst yfir óánægju með hversu hægt rannsóknin gangi, en FBI segir viðkvæmt eðli starfa þeirra krefjast mikillar leyndar.
Yfirvöld reyna nú að finna sameiginlegan þráð milli kjarnorkuverkfræðingsins sem fannst í brunarústum Teslunnar og vísindamannanna sem gengu út af rannsóknarstofum sínum og komu aldrei aftur.
Heimildarmenn segja að mögulega verði gefin út sérstök þjóðaröryggistilskipun til að auka vernd fyrir „vitsmunalega víglínu“ Bandaríkjanna.
Hvorki ríkisstjórn Donald Trump né Hvíta húsið hafa enn gefið út opinbera yfirlýsingu um dauðsföllin.
Athugasemdir