Þrír látnir eftir þyrluhrap í Bretlandi

Þrír liðs­menn breska sjó­hers­ins lét­ust þegar her­þyrla fórst í æfinga­flugi í suð­vest­ur­hluta Englands í morgun. Þetta kemur fram í til­kynn­ingu frá breska varn­ar­mála­ráðu­neyt­inu.

Slysið varð skömmu fyrir klukkan fjögur að stað­ar­tíma nærri þorp­inu Sourton í Devon-hér­aði. Þre­menn­ing­arnir voru um borð í Merlin Mk4-her­þyrlu þegar hún hrap­aði við her­æf­ingu.

Keir Starmer, for­sæt­is­ráð­herra Bret­lands, sagði and­látin afar sorg­leg og sendi aðstand­endum sam­úð­ar­kveðjur.

„Hugsanir mínar eru hjá fjöl­skyldum, vinum og ást­vinum þeirra þriggja liðs­manna Kon­ung­lega sjó­hers­ins sem lét­ust harmilega í morgun,“ sagði Starmer í yfir­lýs­ingu.

Yfir­maður breska sjó­hers­ins, Gwyn Jones hers­höfð­ingi, stað­festi að rann­sókn væri hafin á orsökum slyss­ins. Ekki hefur verið greint frá því hvað olli hrap­inu né hverjir hinir látnu voru.

Merlin Mk4-þyrlur eru meðal ann­ars not­aðar til flutn­inga og hern­að­ar­að­gerða á vegum breska hers­ins.