Nokkrir særðir eftir skotárás í Danmörku

Nokkrir særð­ust í skotárás í bænum Holbæk í Danmörku síð­degis í dag. Danska lög­reglan telur að árásin teng­ist upp­gjöri innan glæpa­heims­ins.

Lögregla greindi frá því í til­kynn­ingu að hún væri með við­búnað á nokkrum stöðum í Holbæk, sem er um 70 kíló­metra vestur af Kaup­manna­höfn, vegna rann­sóknar máls­ins.

Til­kynn­ing um skotárás­ina barst lög­reglu um klukkan 15.45 að stað­ar­tíma. Að sögn lög­reglu urðu nokkrir fyrir skotum en ekki liggja fyrir frek­ari upp­lýs­ingar um ástand þeirra að svo stöddu.

„Á þess­ari stundu getum við ekki veitt frek­ari upp­lýs­ingar um ástand þeirra. Lög­reglan gengur út frá því að um upp­gjör innan glæpa­heims­ins sé að ræða,“ segir í til­kynn­ingu lög­reglu.

Samkvæmt bráða­birgða­upp­lýs­ingum lög­reglu sáust þeir sem grun­aðir eru um árás­ina yfir­gefa vett­vang á hvítri bif­reið. Ekki hefur komið fram hversu margir árás­ar­menn­irnir voru eða hvort lög­regla hafi borið kennsl á þá.

Lögregla hefur óskað eftir upp­lýs­ingum frá almenn­ingi sem kunna að varpa ljósi á málið.