Helstu talsmenn Já-hreyfingarinnar eru hæstánægðir með útgerðarmanninn Guðmund Kristjánsson í Brim sem fullyrti á sínum tíma að ekkert væri að óttast við inngöngu í Evrópusambandið nema fyrir þá stjórnmálamenn sem þyrftu að láta af spillingu sinni. Hvatti Guðmundur til þess að farið yrði sem fyrst í þjóðaratkvæðagreiðslu. Með þessu þykir valdamesti útgerðarmaður Íslands vera að svíkja lit í stað þess að fylkja liði með Bændasamtökunum og Samtökum útgerðarmanna.
Sveinn Andri Sveinsson lögmaður rifjaði afstöðu Guðmundar upp á Facebook-síðu sinni með þeim orðum að forvígismenn íslensks sjávarútvegs tali greinilega ekki einum rómi þegar kemur að aðildarviðræðum við ESB.
Hermt er að mikill uggur sé innan hreyfingar Nei-sinna, sem drifin er áfram af hugmyndafræðingunum Hannesi Hólmsteini Gissurarsyni, fyrrverandi prófessor og Ólafi Ragnari Grímssyni, fyrrverandi forseta Íslands. Margt þykir nú benda til þess að samþykkt verði að halda áfram aðildarviðræðum við Evrópusambandið í kosningunum um komandi helgi ...
Athugasemdir