Tíu manns létust í flugeldaslysi

Að minnsta kosti tíu manns lét­ust og 64 særð­ust þegar spreng­ing varð í flug­eldum á trú­ar­há­tíð í Mexíkó á laug­ar­dags­kvöld.

Atvikið varð í Santa María Canchesdá þar sem íbúar voru saman komnir til hátíð­ar­halda til heið­urs Maríu mey.

Samkvæmt mexíkóskum fjöl­miðlum varð spreng­ingin í flug­eldum og öðru sprengi­efni sem geymt var skammt frá kirkju á svæð­inu. Kraft­ur­inn var slíkur að hluti mann­virkis og veggur hrundu og urðu nokkrir ein­stak­lingar undir brak­inu.

Fjöl­mennt lið við­bragðs­að­ila var kallað á vett­vang og stóð björg­un­ar­starf yfir klukku­stundum saman. Leitað var að fólki í rúst­unum og tugir slas­aðra fluttir á sjúkra­hús.

Tveir prestar voru meðal þeirra sem særð­ust í spreng­ing­unni. Þá voru börn og aldr­aðir einnig meðal þeirra sem þurftu á sjúkra­hús­með­ferð að halda.

Myndir frá vett­vangi sýna umfangs­miklar skemmdir eftir spreng­ing­una og brak á víð og dreif um hátíð­ar­svæðið.

Mexíkósk yfir­völd hafa hafið rann­sókn á til­drögum slyss­ins og verður meðal ann­ars kannað hvernig kvikn­aði í flug­eld­unum og hvernig staðið var að geymslu þeirra.

Hátíðin, sem átti að vera kvöld trú­ar­legra hátíða­halda, breytt­ist þannig á örskömmum tíma í mann­skætt stór­slys.