Reyndi að flýja eftir dóminn og réðst á lögreglumenn

Banda­rískur karl­maður reyndi að flýja úr dóms­húsi í Ohio skömmu eftir að hann hafði verið dæmdur í eins árs fang­elsi. Hann réðst á tvo lög­reglu­menn á flótt­anum áður en tókst að yfir­buga hann.

Atvikið átti sér stað í Columbiana-sýslu á mánu­dag. Timothy Reaggle hafði þá nýverið fengið eins árs fang­els­is­dóm eftir að hafa játað sig sekan um meðal ann­ars inn­brot og lík­ams­árás.

Mynd­skeið af atvik­inu hefur vakið tölu­verða athygli á sam­fé­lags­miðlum. Þar sést lög­reglu­maður fylgja Reaggle eftir gangi dóms­húss­ins þegar Reaggle snýr sér skyndi­lega við, slær lög­reglu­mann­inn og tekur á rás.

Á öðru mynd­skeiði sést hann hlaupa á annan lög­reglu­mann áður en hann reynir að kom­ast að útgangi bygg­ing­ar­innar. Samkvæmt Salem News þurfti nokkra menn til að yfir­buga Reaggle og var raf­byssu beitt við hand­tök­una.

Reaggle var sagður hafa verið mjög ósáttur við dóm­inn og lét óánægju sína í ljós með blóts­yrðum. Þá sást hann gráta þegar hann yfir­gaf dóm­sal­inn.

Ekki liggur fyrir hvaða ákærur kunna að verða gefnar út vegna flótta­til­raun­ar­innar og árásanna á lög­reglu­menn­ina.