Í dagbók lögreglu frá því í gærkvöldi og í nótt er greint frá því að óskað hafi verið eftir aðstoð vegna hnupls úr verslun.

Aðili var handtekinn á Seltjarnarnesi og var vistaður í fangaklefa vegna eignaspjalla.

Þrír einstaklingar vour handteknir í miðbænum vegna slagsmála, einn var vistaður í fangaklefa en skýrsla tekin af hinum tveim og að því loknu var þeim sleppt.

Ölvaður var ökumaður stöðvaður í Garðabæ, maðurinn var með tvö börn í bifreið sinni þegar hann var stöðvaður. Málið var afgreitt með aðkomu barnaverndar.

Tilkynnt var um þjóf sem var að stela munum fyrir utan hús í Grafarvogi.

Víðáttuölvaður ökumaður var handtekinn í miðbænum eftir að hafa ekið upp á gangstétt. Ökumaðurinn var vistaður í fangaklefa.