Farþegi lést eftir að hafa fallið fyrir borð af skemmtiferðaskipinu Carnival Liberty nærri Bahama-eyjum á þriðjudag.

Samkvæmt heimildum um borð fór maðurinn í sjóinn þegar skipið var statt skammt undan Nassau. Björgunarhring var kastað til hans en hann hvarf fljótlega sjónum, sem varð til þess að tafarlaus leit og björgunaraðgerð hófst.

Talsmaður skemmtiferðaskipafélagsins sagði að maðurinn hefði klifrað yfir svalir klefa síns og fallið fyrir borð þegar skipið var á leið frá Celebration Key til Nassau.

Áhöfn skipsins hóf þegar leit og tókst að ná manninum upp úr sjónum. Hann var þá allur.

Skemmtiferðaskipafélagið segir nú veita fjölskyldu mannsins stuðning, en hún var með honum í ferðinni.