Bandaríski grínistinn, leikarinn og hlaðvarpsstjórnandinn Bill Burr og rapparinn Fat Joe ræddu nýjustu kvikmynd Baltasars Kormáks, Apex, í hlaðvarpsþættinum Joe and Jada á dögunum. Rapparinn Jadakiss var einnig á svæðinu.
Í þættinum ræddi Fat Joe ítarlega hversu líkur Bill Burr væri persónu sem er í myndinni og ef fólk hefur ekki séð myndina er ekki mælt með að horfa á myndbandið hér fyrir neðan
Myndin segir frá klettaklifrara og kajakræðara sem verður skotmark hættulegra manna í afskekktri náttúru Ástralíu og þarf að berjast fyrir lífi sínu.
Myndin var frumsýnd á streymisveitunni Netflix þann 24. apríl 2026 og hefur fengið misjafna dóma gagnrýnenda.
Bill Burr er einn þekktasti uppistandari Bandaríkjanna og hefur einnig skapað sér nafn sem leikari, handritshöfundur og leikstjóri. Hann er meðal annars þekktur fyrir að hafa skapað og talsett aðalpersónuna í teiknimyndaþáttunum F Is for Family auk hlutverka sinna í þáttunum Breaking Bad og The Mandalorian.
Fat Joe, sem heitir réttu nafni Joseph Antonio Cartagena, hefur verið áberandi í bandarískri hiphop-menningu í yfir þrjá áratugi. Hann sló í gegn með lögum á borð við What's Luv?, Lean Back og All the Way Up og hefur jafnframt komið fram í fjölda kvikmynda og sjónvarpsþátta.
