Kristinn Hrafnsson furðar sig á nýju fánabanni lögreglunnar í Berlín.
Ritstjóri Wikileaks, Kristinn Hrafnsson skrifar Facebook-færslu þar sem hann segir frá nýju fánabanni lögreglunnar í Berlín en þar í borg verður bannað að veifa fána Sovíetríkjanna sálugu, nú þegar fagna á 80 ára afmæli sigurs á nasistum. Bendir Kristinn á þann gríðarlega fjölda sovíeskra hermann sem féllu í Seinni heimstyrjöldinni og furðar sig á virðingarleysi lögreglunnar.
„Minnst er loka heimstyrjaldarinnar í Evrópu nú um stundir. Lögreglan í Berlín ákvað að það væri bannað og refsivert að halda á lofti gamla sovéska fánanum í tilefni þessara tímamóta. Í þessu stríði féllu 9-10 milljónir sovéskir hermenn. Yfir 400 þúsund bandarískir hermenn féllu.
Mér finnst þetta bann vægast sagt einkennilegt og mikið virðingarleysi við þessa mannfórn gamla sovétsins, óháð því hvað mönnum finnst um það dána batterí og arftaka þess.“
Að lokum bendir hann á hræsnina við bann Berlínarlögreglunnar og setur það í samhengi við hræsni Reykjavíkurborgar:
„Auk þess eiga stjórnvöld að fara varlega í að banna tjáningu með því að veifa fánum. Fyrir utan prinsippið endar þetta alltaf í hræsni og óheiðarleika. Ekkert bannar Berlínarbúum að flagga þjóðfána þjóðarmorðingjana í Ísrael. Nærtækt hræsnisdæmi eru blaktandi fánar Úkraínu við Ráðhús Reykjavíkur en engin flöggun er fyrir Palestínu sem er þolandi í þjóðarmorði.“
